Page Text
________________
શા માટે પસંદ કર્યું? તેના થોડા કારણોમાં ગુરુદેવ સાથે સૌથી વધુ રહેવાનું મારું સદ્ભાગ્ય હતું. ગુરુદેવને ખૂબ નજીકથી મેં માપ્યા છે. હું ગુરુદેવ સાથે કેવલ આસ્થાથી જોડાયો છું. માટે મેં આ કાર્યને સંપન્ન કરવા મન બનાવ્યું.
પૂ. ગુરુદેવશ્રીની આંતરિક ઇચ્છા એવી હતી. કે “મારું જીવન કોઈ ગૃહસ્થ લેખક પાસે ન લખાવવું.” સૌથી મહત્ત્વપૂર્ણ બાબત તો એ છે કે પૂ. પંન્યાસ ગુરુદેવ શ્રી ચન્દ્રશેખરવિજયજી મહારાજના સેંકડો શિષ્યોમાં પૂ. ગુરુદેવશ્રીને ખુબ નિકટથી માણવાનો લાભ મને મળેલ છે. તે મારું સૌભાગ્ય છે. વળી તેમની નિકટતાને લીધે તેઓની અનરાધાર કૃપાનો ભાગી હું બન્યો છું. અને તેમના અમૂલ્ય વિચાર વારસાને જીવન રૂપે દર્શાવવાનું સદ્ભાગ્ય પણ મને સાંપડ્યું, માટે મેં લેખન કાર્ય શરૂ કર્યુ. સૌથી મુખ્ય કારણ, આ જાજરમાન જીવનને ઈતિહાસ રૂપે ઢાળવામાં નિમિત્ત બનવાની તક મને મળે તે તો મારા જીવનની સાર્થકતા છે.
જ્યારે લલિતભાઈ આ ભલામણ લઈને આવ્યા ત્યારે મને મારા માટે શંકા હતી કે “આ જીવનની હકીક્તો રજૂ કરવામાં હું તે જીવનને ક્યાંય અન્યાય તો નહી કરી બેસું ને ?'' પરંતુ લખતા લખતા મા સરસ્વતીની તીવ્ર કૃપાથી આ કામ શક્ય બન્યું.
અંગત સ્વાર્થની વાત કરું તો ૪૧ વર્ષ ગુરુદેવ સાથે રહેવા છતાં ગુરુદેવ સાથે જે તન્મયતા ન આવી તે તન્મયતા આ લખવાના ૪૧ દિવસમાં આવી છે. ખુબ ઓતપ્રોત થતો ગયો. આ તન્મયતા મારા મોહની શાંતિ માટે ઔષધ બનશે તે શ્રદ્ધા છે. આ પણ ગુરુદેવનો જ ઉપકાર ને ?
સમગ્ર જીવનની ઘટનાઓનું સંકલન કરીને લખવાનું કામ અઘરું લાગ્યું. ગુરુદેવનું જીવન તો એકલા પ્રસંગોથી જ ભરપુર છે. કોકને જીવન માટે શું લખવું તે સવાલ હોય પણ મારા માટે સવાલ તે હતો, શું છોડવું? છતાં મારી અતિ અલ્પ બુદ્ધિથી જેટલું શક્ય બન્યું એટલું સમાવવાનો પ્રયાસ કર્યો છે. છતાં ઘણું છોડી દેવું પડ્યું છે. તો ખબર જ ન હોવાના કારણે ઘણું છુટી ગયું છે.
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |