________________
આદિનાથ છે તે સંસ્કૃતિનો જ ખાત્મો બોલાવવા માગે છે. વિશ્વની અતિ સમૃદ્ધ ધરતી, વિશ્વની અતિ બુદ્ધિમાન અને સંસ્કારી પ્રજાને જ પતાવી દેવા માટે અંગ્રેજો, ગાંધીનો મીડિયા તરીકે ઉપયોગ કરવા માંગે છે. માટે જ ગાંધીનું કદ વિરાટ કરવા માટે અંગ્રેજોએ તેમને રાષ્ટ્રપિતા બનાવ્યા. તેમની નબળાઈઓને નજર અંદાજ કરી. તેમને યશ આપવા આઝાદી આપી. પ્રભુદાસભાઈ તેવું માનતા હતા કે ‘‘ગાંધીજીના વિચાર સારા હતા, તેમની સરળતા પણ અદ્ભૂત. પણ ગાંધીજીની વધુ પડતી ઉદારતા દેશ કે હિન્દુ પ્રજાના હિત માટે યોગ્ય ન હતી. સરળતા, ધર્મનીતિમાં શ્રેષ્ઠ છે પણ રાજનીતિમાં કેવલ સરળતા ન જ ચાલે. ચાણક્ય જેવી શ્રેષ્ઠ બુદ્ધિમત્તા જ કામે લગાડવી પડે. જે ગાંધીજી પાસે ન હતી.
પ્રભુદાસભાઈ, અંગ્રેજ પ્રજાની કૂટનીતિને જોતા ગયા અને તેમણે પોતાની વિચારધારાને પંચપ્રતિક્રમણ સૂત્રોના અર્થમાં રજૂ કરી.
જૈનચાર્યોથી માંડી અનેક સાધુઓ, પ્રભુદાસભાઈને પાગલ ગણતા હતા. પ્રભુદાસભાઈ પોતાના વિચારોને ભાવિત કરવા કોક મહાત્માની શોધમાં હતા અને તેમની નજર ચન્દ્રશેખરવિજયજી ઉપર ઠરે છે.
પ્રભુદાસભાઈ અણિશુદ્ધ ચારિત્રધર મહાત્માને શોધતા હતા. સુશ્રાવક પ્રભુદાસભાઈ, ચન્દ્રશેખર મહારાજને પોતાનું જ્ઞાન આપતા પહેલા બાવીશ સવાલો વ્યક્તિગત જીવન સંબંધી પૂછે છે. બધા જ જવાબો સંતોષકારક મળતા, પ્રભુદાસભાઈ પોતાનું અપૂર્વ જ્ઞાન ચન્દ્રશેખરવિજયજીને પ્રદાન કરે છે. આ જ્ઞાનના કારણે ચન્દ્રશેખરવિજયના પ્રવચનો વધુ ધારદાર અને અસરકારક બનતા ગયા. ચંદ્રશેખરવિજયજી હવે માત્ર જૈનસાધુ તરીકે જ ઓળખાવાની સાથોસાથ ભારતીય સંસ્કૃતિના રક્ષક સંત તરીકે પ્રગટ થયા. ચંદ્રશેખર મહારાજ પાશ્ચાત્ય સંસ્કૃતિની સામે આગ બનીને વરસતા રહ્યા. તેથી યુવા મુનિ ચન્દ્રશેખરવિજયના દુશ્મનો પણ વધવા લાગ્યા કે જેઓ જે પાશ્ચાત્ય જીવનશૈલીના પ્રચારક હતા. જે તે જીવનશૈલીના પ્રસાધનોના વ્યવસાય કરતા હતા. તેમના માટે યુવા જૈન મુનિ પડકાર રૂપ હતા. માટે તેમના જાનનો ખતરો ખડો થવાના સંકેતો મળવા લાગ્યા.
૬૬