________________
૨૫
પાટડી ગામે જાન લેવા પ્રયાસ
સુરેન્દ્રનગર જિલ્લાનું ગામ પાટડી. ત્યાં ચાર દિવસનું મહારાજશ્રીનું રોકાણ હતું. ચાર દિવસ જોરદાર પ્રવચનો થતા હતા. રોકાણ દરમિયાન એક ઘટના બને છે..
પાટડી ઉપાશ્રયમાં મહારાજને મળવા ચાર જણા ગાડી લઈને આવે છે. સાંજનો સમય છે. પેલા ચારમાંથી એક જણ કહે છે.
અમારે તમારી સાથે વાત કરવી છે. ચન્દ્રશેખર મહારાજ કહે છે બોલો...“પેલા લોકો કહે છે. અમારે રૂ. ૨૦,૦૦૦ની જરૂર છે જાણવા પ્રમાણે તમારા બાપાજી મુંબઈના ધનાઢ્ય વ્યક્તિ છે. તમે અપાવો” ચંદ્રશેખર મહારાજ કરુણા સાગર હતા. પણ તે ન ભુલશો કે તેઓ સત્ત્વપુરુષ હતા. મહારાજ કહે છે જુઓ અમે સંસાર ત્યાગી છીએ. અમે આ રીતે કોઈને પૈસા અપાવી ન શકીએ. ત્યારે પેલા લોકો કહે છે, તમે નહીં અપાવો તો પરિણામ ભયાનક આવશે. આ રીતે થોડી ગરમાગરમી સાથે વાતો કરીને તે લોકો કોક જૈનના ઘરમાં રાત રોકાયા હતા. ત્યારે ચાર જણા અંદર-અંદર વાતો કરતા હતા. તેમાં સલીમ-સલીમ કહીને બોલાવતા હતા. જૈન પરિવાર ડઘાઈ
જાય છે.
ઘરના વડીલ-મહારાજ પાસે આવે છે. પૂછે છે “આવનાર મહેમાનને આપ ઓળખો છો ?' મહારાજ કહે છે “ના” : તો સાહેબ મારાથી તેમને રાખી નહીં શકાય. ચારમાં બે મુસ્લિમ લાગે છે. આ વાતથી મહારાજ પણ ચોંકી ઊઠ્યા. જૈન શ્રાવક કે જેના ઘરે ચાર જણ ઊતર્યા. હતા ત્યાં પાછા આવે છે, ત્યારે ચારેય ફરવા નીકળ્યા હતા. તકનો લાભ લઈ, તેમના સામાનને જુએ છે. સામાનમાંથી બે મોટા છરા અને એક નાનકડી ચીઠ્ઠી મળે છે, જેમાં લખ્યું હતું "danger Rs. 20,000". આ ચિઠ્ઠીથી પરિવારવાળા ડરી જાય છે.
પાટડી ગામમાં સમાચાર વાયુવેગે ફેલાય છે. ઘરની બહાર લોકોની ભીડ જમા થાય છે. લોકો ચીઠ્ઠી-છરા આદિનો અર્થ એવો કરવા લાગ્યા કે “પાંચ સાધુ ભયમાં છે'' ચારેય ભાવનગરના છે.