Page Text
________________
ધર્મ પિતાની પાસે...
વિ.સ. ૨૦૨૫નું ચાતુર્માસ રાજકોટ, માંડવી ચોકમાં નક્કી થયું. ‘‘રાજકોટ’’ સોરઠની રાજધાની ગણાતી હતી. વૈભવો અને શોખમાં મુંબઈને ટક્કર મારે તેવી રાજકોટની પ્રજા વચ્ચે, ચંદ્રશેખરવિજયનું પદાર્પણ થાય છે. પ્રવચનોમાં તો પાંચ-દસ હજારની મેદની સામાન્ય ગણાતી હતી. પચાસ વર્ષ પહેલાનો સમય હતો કે જ્યાં જૈન સંઘોમાં યુવાનો ધર્મ વિમુખ હતા.’’ તે સમયમાં યુવાનો ચંદ્રશેખર મહારાજની પાછળ પાગલ હતા. રાજકોટમાં દર રવિવારે બપોરે રામાયણ ઉપરનાં જાહેરપ્રવચનો યોજાતા. જેના લીધે સમગ્ર રાજકોટમાં વિશિષ્ટ જાગરણની લહેર ખડી થઈ હતી. પોતાના પુસ્તક ‘‘સ્વરાજનું લોખંડી ચોખઠું'' માં ચન્દ્રશેખર મહારાજ લખે છે કે અનંત અનંત ઉપકાર માનું છું મારા ગુરૂદેવ પ્રેમસૂરીશ્વરજી મ.સા.નો જેમણે મને કહી રાખ્યુ હતું કે અવકાશ મળે ત્યારે પ્રભુદાસભાઈનો પરિચય કરજે. તેમની પાસે જે શુધ્ધ સમજ છે. તેને સારી રીતે સમજીને આત્મસાત્ કરજે. જિન શાસનના મુર્ધન્ય શ્રમણોપાસકોમાં ઝળહળતું એ શ્રાદ્ધ રત્ન છે.
૨૪
પ્રભુદાસભાઇને મળતાં જ ચન્દ્રશેખરવિજયજીમાં એક અનોખો બદલાવ આવે છે. પ્રભુદાસભાઈની વિચારધારા ચન્દ્રશેખર મહારાજના અંતરને પરમાત્મા આદિનાથે સ્થાપેલી ચાર પુરુષાર્થ પ્રધાન સંસ્કૃતિની ગરીમાથી ભરી દે છે. તો બીજી બાજુ તે જ સંસ્કૃતિની ગમગીન દશા કરનાર અંગ્રેજી વિદેશી વિલાસ પ્રચુર સંસ્કૃતિ સામે તીવ્ર રોષ પ્રગટ થાય છે. ચન્દ્રશેખર મહારાજના અસ્તિત્વમાં સંઘ-શાસન સાથે સંસ્કૃતિ રક્ષા પણ ઉમેરાય છે.
પ્રભુદાસભાઈની વિચારધારા સાથે સંમત થતા પહેલાં ચન્દ્રશેખરવિજયજીએ તેમની સાથે ખૂબ વિવાદ પણ કરેલો. પ્રસંગોપાત વાચકોને નજરમાં રાખી, શ્રાદ્ધવર્ય પ્રભુદાસભાઈની વિચારધારાને પણ જાણી લઈએ.
પ્રભુદાસભાઈ, યુવાનીમાં ચુસ્ત ગાંધીયન હતા પણ ગાંધીની કેટલીક અંગ્રેજ અને નહેરુ તરફી ઝુકેલી મનોદશા જણાતા પ્રભુદાસભાઈની Sixth Sense કામે લાગી. તેમને એવું દેખાવા લાગ્યું કે “ગાંધીજીનો ઉપયોગ કરી અંગ્રેજો ભારતની મહાન્ સંસ્કૃતિ- કે જેના સ્થાપક પરમાત્મા
૬૫
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |