Page Text
________________
હવે વાંચો ગુસૃપાના ચમત્કારોની વણઝાર...તાતપાદ મહારાજજીના કાળધર્મના પંદર જ દિવસ પછી ચન્દ્રશેખરવિજયની શારીરિક સમસ્યાઓ ઉકેલાતી ગઈ. થાક-તાવ-અપચો આદિ બધું જ દૂર થઈ ગયું.
મહારાજજીના કાળધર્મ બાદ પંદર દિવસ પછી જ, લીંબડીમાં ચન્દ્રશેખર મહારાજનો ચાતુર્માસ માટે પ્રવેશ થાય છે.
જે લીંબડીમાં આ જ મહારાજ પૂર્વે આવેલા ત્યારે પ્રવવચનમાં માંડ ૫૦ જણ આવતા હતાં તે જ લીંબડીમાં પુનઃ ચાતુર્માસ માટે પધારેલ ચન્દ્રશેખર મહારાજનાં પ્રવચનોમાં પાંચ-પાંચ હજારની માનવમેદની ઉમટવા લાગી. પ્રવચનો એવા લોકભોગ્ય અને લોક ગ્રાહ્યા બન્યા કે સમગ્ર ઝાલાવાડમાં ચન્દ્રશેખર મહારાજની બોલબાલા થવા લાગી.
લીંબડીની આસપાસનો ઇલાકો દરબાર અને ગરાસીયાઓનો ગણાતો. નાની-નાની વાતોમાં બેય કોમો વચ્ચે ભયાનક અદાવતો ચાલતી હતી. એક કોમ, બીજીકોમના લોહીની ભૂખી બોલી હતી. ત્યાં જ મહારાજના પ્રવચનોએ સચોટ અસર જન્માવી. બંન્નેય કોમે પરસ્પરની દુશ્મની છોડી પ્રેમથી રહેતા થયા. દરબારો અને ગરાસીયાઓને દારૂની પણ ભૂંડી આદત, જેના કારણે કંઈક ઘરો તારાજ થયેલા હતા. ઘરની મહિલાઓ આ દારૂના પાપે ખૂબ ત્રાસમાં જીવતી હતી. આથી ગુજરાત સરકાર, ગાંધીજીના આદર્શ જેવી દારૂબંધીને અમલમાં મૂકવા, ખૂબ પ્રયત્નશીલ હતી. છતાં સરકાર ધાર્યા પરિણામ લાવી ન શકી. ઘરો ઘરોમાં દારૂના દૈત્યથી અણબનાવ, અપમૃત્યુ, ગરીબી, બિમારી આદિ ખૂબ વધતા જતા હતા. ત્યારે ચંદ્રશેખરવિજયજીની પદયાત્રા લીંબડી ઈલાકાનાં નાનાં-નાનાં ગામોમાં ચાલતી હતી. ગામે-ગામ તેમના પ્રવચનો થતાં હતાં. ‘‘વ્યસનમુક્તિની’' વાતો પ્રવચનોમાં એવી મુકાતી કે “ગામોનાગામ દારૂ આદિ વ્યસનોથી મુક્ત થવા મંડ્યા.' ગામે-ગામના દરબારો જૈન મહારાજ પાસે આવતા અને મહારાજના ચરણે દારૂના નામે પાણી મૂકતા. આ રીતે સમગ્ર ઝાલાવાડના ઈલાકામાં સ્વૈચ્છિક દારૂબંધીનું અભૂતપૂર્વ આંદોલન છેડાયું.
૬ર
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |