________________
આનો સંપૂર્ણ યશ ચન્દ્રશેખરવિજયજી મહારાજને જાય છે. ગુજરાત સરકારે તે સમયે, એટલે કે આજથી ૪૮ વર્ષ પહેલાં રેડિયો ઉપરથી જૈન મુનિના દારૂબંધીના પ્રયાસને ખૂબ પ્રશશંસનીય ગણાવ્યો હતો. ગામેગામની ઘર-ઘરની કન્યાઓ, માતાઓએ જૈન સાધુને હૈયાના આશીર્વાદ પાઠવ્યા. દરબારોની સ્ત્રીઓએ ચન્દ્રશેખર મહારાજને યુગપુરુષ તરીકે વધાવ્યા. ચન્દ્રશેખરવિજયજીની લોકપ્રિયતાનો ગ્રાફ આસમાને અડતો જતો હતો. મહારાજ સતત ચાર વર્ષ સૌરાષ્ટ્રમાં જ રહા અને સૌરાષ્ટ્રની જનતા, મહારાજજીના તેજસ્વી પ્રવચનો અને સાદગી સભર જીવનથી, પ્રભાવિત થઈ રહી હતી અને ચન્દ્રશેખર મહારાજ સોરઠના સંત તરીકે પ્રસિદ્ધ થયા
હતા.
