Page Text
________________
માતા સુભદ્રા હવે ઇન્દ્રવદનના શરીરની જ માતા બનવાની સાથો સાથ જિનશાસનની સદીના શ્રેષ્ઠ ક્રાન્તીવીર ચન્દ્રશેખરવિજયની સર્જક માતા બનવા તત્પર બની છે અને આ તે જ માતા છે જેણે તાજા જન્મેલા દિકરાને ‘‘શાસન દિપક’’ થવાનો મંત્ર કાનમાં ફુંકેલો. ૧૮ વર્ષ પહેલા પોતે જ આપેલો આ મંત્ર હવે પોતાનો ચમત્કાર બતાડવા તત્પર બન્યો છે. તેનો આનંદ સુભદ્રાના રોમરોમમાં ઉછળી રહ્યો છે અને મા સુભદ્રા, નારી કે માતા મટી સાક્ષાત્ જિનશાસનની માતા બનીને પોતાના દિકરાને પુનઃ કાનમાં કહે છે “બેટા ! જગત્ના તમામ જીવોનો બેલી બનજે’'. આ જ આશિષ, ચન્દ્રશેખરવિજયને કરૂણા સ્વરૂપ અસ્તિત્વના માલિક બનાવે છે.
ઇન્દ્રવદન હવે તેજ પુંજ બને છે. પોતાની વિશુદ્ધ ભાવનાના રંગીન સ્વપ્નો હવે મૂર્ત બનવાની પળ નજીક નજીક આવતી જાય છે. અને તે પુણ્ય પળને ભેટવા માટેની ઇન્દ્રવદનની આતુરતા, આકાશને આંબવા લાગે છે.
સમગ્ર મુંબઈમાં ઇન્દ્રવદનના દીક્ષાના સમાચાર Facebookની જેમ ફેલાઈ જાય છે. લોકોના હૃદયમાં આશ્ચર્ય સાથે આઘાતના મિશ્ર ભાવો જન્મે છે. ખ્યાતનામ પરિવારનો નબીરો છે. વળી તે સમય હતો, જ્યારે વૃદ્ધો પણ દીક્ષા લેવા ઉત્સાહિત ન હતા, ત્યાં ૧૮ વર્ષનો નવ યુવાન નબીરો ત્યાગી બને છે... આ કમાલ પંન્યાસ ભાનુવિજયજીની દેશનાની છે. મુંબઈમાં લોક મુખે તરહ તરહની વાતો વહેતી થાય છે.
કોઈ કહે છે ધનવાન દિકરો...બિચારો હાથે કરીને ભિખારી બનવા જઈ રહ્યો છે. તો વળી કોક એવુંય કહેનાર મળે છે આ તે કેવું પરાક્રમ....
બધું જ છોડી દેવા છતાં સમ્રાટ જેવી ખુમારીનો માલિક ઇન્દ્રવદન બનશે. યાદ રાખજો મળેલા વૈભવોને ભોગવી લેવા એ તો સંસારનો અનાદિકાળનો ક્રમ રહ્યો છે. પ્રત્યેક જીવ અનાદિકાળથી આ જ કરી રહ્યો છે પણ આશ્ચર્ય તો ત્યારે સર્જાય છે, મળેલું બધું જ છોડી દેવું. એટલે એક આધ્યાત્મિક સૂત્ર છે કે “સંસાર ભોગવવો તે ક્રમ છે. છોડવું તે પરાક્રમ છે.'' ઇન્દ્રવદન શૂરવીરોના માર્ગનો હમસફર છે...
d
૨૯
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |