Page Text
________________
૨૮
ઐતિહાસિક પળ
વૈશાખ સુદ ૬, વિ.સં. ૨૦૦૮ બપોરના ત્રણ આસપાસનો સમય. જો કે આ સમય દૈનિક સમય જેવો જ સામાન્ય હતો. પણ ભાવિમાં આ જ સમય ઐતિહાસિક બનનાર છે.
રાજકુમારી મયણા, પિતાના આદેશથી જે પળે ઉંબર રાણાનો હાથ પકડે છે તે પળમાં જ શ્રીપાલના સર્જનના શુભ સંકેતો ગોઠવાયેલા હતા. તેવું જ નિર્માણ આજની પળમાં હશે. આ પળમાં જ ચન્દ્રશેખર મહારાજના સર્જનના સંકેત પડ્યા છે. માટે જ સમગ્ર પરિવાર સાથે શેઠશ્રી જીવાભાઈ, મહારાજની પાસે આવ્યા. શુભ મુહૂર્તના પ્રદાન માટે વિનંતી કરે છે. ઇન્દ્રવદન ધનાઢ્ય પરિવારમાં જન્મવાના કારણે પુણ્યવાન્ જરૂર હશે, પણ તેની "Body Languageમાં હાલ તો ‘સંદીના યુગપુરુષ ચન્દ્રશેખરવિજય'' બનશે તેવું તેજ દેખાતું ન હતું. ઉંબર રાણામાં શ્રીપાલ જણાતો ન હતો. પણ આ કમાલ, મુહૂર્ત પ્રદાનની પળમાં અને પરમગુરુદેવ પ્રેમસૂરીશ્વરજી મહારાજના પ્રેમસભર પ્રસાદે (કૃપા) કરી દીધી.
મહારાજજી શુભ મુહૂર્ત જોવા માટે પંન્યાસ કાન્તિવિજયજી મ.સા.ને ભલામણ કરે છે. પરમ પવિત્ર તે પંન્યાસજી ભગવંત – મહારાજજીને વૈશાખ વદ-૬, વિ.સં. ૨૦૦૮નો દિન કહે છે.
તારણહાર સંઘમોભી ગુરુદેવ, સુશ્રા. જીવાભાઈને વૈ.વ.૬.નો દિવસ દીક્ષા પ્રદાન માટે આપે છે.
પોતાનો દિકરો-માત્ર પંદર જ દિનમાં પોતાનું સંતાન મટી, પ્રભુ મહાવીર દેવનો સાધુ બનશે, તે જાણતા જ, શેઠ જીવાભાઈ મોહાધીન બનવાને બદલે ભાવ વિભોર બની નાચવા લાગે છે. ઇન્દ્રવદનને મન ભરીને વ્હાલ કરે છે. દીક્ષાનો દિન નક્કી થતા જ, ઇન્દ્રવદનના સમગ્ર અસ્તિત્વમાં એવો જબ્બર કેમીકલ ચેઇન્જ થવા લાગ્યો કે તેનું સમગ્ર અસ્તિત્વ, આનંદ ઊર્જાથી ઉછળી રહ્યું હતું. ઇન્દ્રવદન હવે માત્ર વદનથી જ ઇન્દ્ર ન રહેતા તેની સમગ્ર ઉર્જા, વિશુદ્ધ વિરક્તિમય બની. તે સાક્ષાત્ મુનીન્દ્ર સ્વરૂપ બની ગયો. તેના અંતરમાં દીક્ષા દિનથી વિશુદ્ધ ચારિત્ર જીવન જીવવાના દૃઢ સંકલ્પનો મહાસાગર હીલોળા લેવા લાગ્યો. આ સંકલ્પ અને વિશુદ્ધ ભાવોના આંદોલનમાં વિહરતા ઇન્દ્રવદનના આત્મચૈતન્યે, વિશિષ્ટ પુણ્ય રાશિનું ઉપાર્જન શરૂ કર્યું. કદાચ તે પુણ્યરાશિ જ ‘‘ઊર્જાપુરુષ’’ ચન્દ્રશેખરવિજયનો સર્જક બનેલ હશે.
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |