________________
દીક્ષા પૂર્વના પંદર દિવસ...
ભોજન પહેલા સુવાસ હોય છે.
યુદ્ધ પૂર્વે શસ્ત્રને ધારદાર બનાવવાની તૈયારી હોય છે.
ઇન્દ્રવદનની તૈયારીમાં ત્યાગની સુવાસ, શિષ્ય બનતા પૂર્વેની ગુરુમિલનની મીઠાશ અને શ્રેષ્ઠ સાધુતા માટેનો ધારદાર સંકલ્પ હતો.
આપણે ઇન્દ્રવદનના પંદર દિવસની મુલાકાત શરૂ કરશું..
દર્શન કરીને ઇન્દ્રવદન ગુણ્વન્દન માટે મહારાજજી પાસે જાય છે અને તારક ગુરુદેવ કહે છે “જો ઇન્દ્રવદન ! તારી દીક્ષા નક્કી થઈ ગઈ છે. તો હવે સાધુ ક્રિયાના સૂત્રો કંઠસ્થ કરવા પડશે. તારી પાસે સમય છે માટે આજે પફખીસૂત્ર ગોખી લે''. મહારાજજીના આ શબ્દો સાંભળતા જ ઈન્દ્રવદન હાલી જાય છે અને મહારાજજી ને કહે છે. “ગુરુદેવ ! હું તો જ્ઞાનીઓની સેવા કરવા સંયમ લઉં છું. મને ભણવાનું ફાવે તેમ નથી.” મહારાજજી ! મારી બુદ્ધિની મંદતા એટલી છે કે એક ગાથા તો માંડ માંડ એક દિવસમાં થાય અને ઇન્દ્રવદન મહારાજજીની વાત હસીને કાઢી નાંખે છે અને ઘરે ચાલ્યો જાય છે.
ઇન્દ્રવદનને પોતાની મર્યાદાનો અનુભવ હતો. માટે તે મહારાજજીના શબ્દોને અનુસરવાનું સાહસ શી રીતે કરે ?
ઇન્દ્રવદન જાણતો હતો કે સ્કુલની મોટા ભાગની પરીક્ષાઓ તેણે ચોરી કરીને જ આપી હતી. એક વખત પરમ શાસન પ્રભાવક આચાર્ય દેવ શ્રીમદ્ રામચન્દ્રસૂરીશ્વરજી મ.સા.ને વન્દન માટે સપરિવાર ઇન્દ્રવદન ગયેલ ત્યારે તેણે આચાર્ય ભગવંતને વિનંતી કરી હતી કે “સાહેબ ! મારી ભાવના દીક્ષાની જ છે. માટે મારો વૈરાગ્ય ટકી રહે તેવો કોઈ શાસ્ત્ર ગ્રંથ ગોખવો છે, તો તે ગ્રંથનું
