________________
૯૨
સરળતા જ તેમની રાજનીતિ હતી...
સરળતાની આ કહાની શાસન પ્રભાવક પૂ. આચાર્ય ભગવંત રત્ન સુંદરસૂરીશ્વરજી મ.સા.એ મને જણાવેલી અને તેઓશ્રીએ ખાસ ભલામણ કરી કે આ પ્રસંગની નોંધ સમાવવી જરૂરી છે.‘પૂજ્યશ્રી સાથે પણ પૂ. ગુરુદેવશ્રીનો ખુબ ખુબ આત્મીયતાનો સંબંધ હતો.'' વાત વિ.સં. ૨૦૪૪ના શ્રમણ સંમેલનની છે. તે સમયે યુવા શ્રમણોની ટીમમાં શીલચન્દ્ર મહારાજ, પ્રદ્યુમ્ન મહારાજ, જિનચન્દ્રહેમચન્દ્રસાગરજી મહારાજ, રત્નસુન્દર મહારાજ, હેમરત્ન મહારાજ આદિ મુનિવરો આવતાં હતા. આ બધા મહાત્માઓ જિનશાસનના પ્રભાવકો હતા. પ્રચંડ પુણ્યના માલિક હતા. જૈન સંઘ તથા યુવાનોમાં આ બધા મુનિઓ તરફ જબ્બર આકર્ષણ હતું.
શ્રમણ સંમેલન ચાલતું હતું. આ યુવા મુનિઓમાંથી ઘણા મુનિઓ પણ સંમેલનમાં હતા. એક દિવસ સહુ યુવાશ્રમણો સાથે પૂ. ગુરુદેવ હળવી વાતોમાં મશગુલ હતા. પૂ. ગુરુદેવ પોતાના અંગત જીવનની વાતો અનુભવો સહુને જણાવી રહ્યા હતા. તેમાં ૨૫૦૦મી નિર્વાણ શતાબ્દિના આંદોલનની વાતો ચાલતી હતી. તેમાં પૂ. ગુરુદેવ દુઃખ સાથે, સહુ વચ્ચે કબૂલ કરે છે કે ‘‘ઉજવણીના આંદોલનમાં મેં વધુ પડતી ઉગ્રતા દર્શાવેલી હતી.’' જે મારું અયોગ્ય પગલું હતું.
પૂ. ગુરુદેવશ્રીના આ શબ્દોમાં છલકાતી સરળતાથી સહુ યુવા મુનિઓને આશ્ચર્ય થાય છે. સહુના હૃદયમાં એવો વિચાર આવે છે. કે આ ચંદ્રશેખર મહારાજની સરળતા’’
પ્રસિદ્ધ લોકો પોતાની ભુલનો બચાવ જ કરે, તેઓનું પુણ્ય એવું જબ્બર હોય છે કે ‘તેમની ભુલ, દુનિયાને યોગ્ય લાગે'' આવા માહોલ વચ્ચે ચંદ્રશેખર મહારાજ જેવા ઘુરન્ધર યુગ પુરુષ, બધાની વચ્ચે પોતાની ભુલને ભુલ તરીકે સ્વીકારે ‘‘તે મહા આશ્ચર્ય કહેવાય.’’
ચંદ્રશેખર મહારાજની આ સરળતાથી ઉપસ્થિત તમામ યુવા મુનિઓ અવાફ થઈ ગયા અને નેમિસૂરીશ્વરજી મ.સા.ના સમુદાય વિદ્વાન્ યુવા શ્રમણ શીલચન્દ્ર મહારાજ કહે છે. ચંદ્રશેખર મહારાજની આ સરળતાને ક્યા શબ્દોથી નવાજવી ? તે મને સમજાતું નથી. અને મુનિશ્રી આગળ વધીને જણાવે છે કે’' મારા મનમાં ચંદ્રશેખર મહારાજ માટે જે ભ્રમ હતા તે આજે ભાંગી ગયા છે. ચંદ્રશેખર મહારાજ બાહ્ય જગતમાં ‘‘મેગા સ્ટાર હતા’’ તો આંતિરક જગત્માં ‘‘રીયલ સ્ટાર’' હતા.
૨૦૭