Page Text
________________
શાંતાક્રુઝ યુવામિલનમાં વક્નત્વ સ્પર્ધામાં એક યુવાનનો ૧૩ મો છેલ્લો નંબર આવ્યો, ગુરૂદેવ, પાર્લા આવ્યા. તે યુવાને આક્રોશ સાથે જણાવ્યું બધે જ પ્રથમ ત્રણ નંબર અપાય પણ આપે છેલ્લો નંબર જાહેર કરી મને અપમાનિત કર્યો છે. ગુરૂદેવ તરત જ પ્રવચનમાં પોતાની ભૂલની કબુલાત કરી ક્ષમા માંગી આ અદ્ભુત સરળતાથી મંત્રમુગ્ધ બનેલો એ યુવાન એટલે યોગેશ મ. શાહ જે ત્યારથી ગુરૂદેવનો ભક્ત બની ગયો. મુક્તિદૂતમાં વાચકોના અભિપ્રાયનો વિભાગ ચાલતો હતો. તેમાં જે સારા-સારા અભિપ્રાયો હોય તે જ મૂકાતા હતા. સુરતના નરેન્દ્રભાઈ હક્કડ ગુરૂદેવના પરમ ભક્ત હતા. તેમણે પત્ર લખીને જાણ કરી આ વિભાગ સ્વ પ્રશંસા વિભાગ જેવો લાગે છે. હવે જુઓ ભક્તના આ ભાવનો અભૂત પ્રતિભાવ પૂ. ગુરુદેવે તુરત જ પ્રત્યુત્તરમાં જાણ કરી. કે “તારી વાત સાચી છે હવેથી આ વિભાગ બંધ કરશું.”
હવે તો માત્ર ને માત્ર સર્વવિરતી” નામના પુસ્તકની પ્રસ્તાવનામાં સંવત ૨૦૬૨માં ગુરૂદેવે લખ્યું છે. હું આગ્રહભરી વિનંતિ કરું છું કે મારા લખાણથી મને મહાનું ચારિત્રધર કોઈ ન માનશો. આ લખાણની કેટલીય કલમો હું પાળતો નથી. આ પુસ્તક-લેખનથી અને અનેક આત્માઓ તેનું વાંચન-મનન કરે તેનાથી મને જે પુણ્ય પ્રાપ્ત થાય તેનાથી એક જ અપેક્ષા છે, કે “મને તીર્થંકર પરમાત્મા, તરણતારણહાર સીમંધર
સ્વામીજીના દેશમાં-નગરમાં જન્મ મળે. મારી માતા અત્યન્ત ચુસ્ત શ્રાવિકા હોય. તે મને વધુમાં વધુ આઠ વર્ષની વય થતાં થતાં ભાગવતી પ્રવજ્યા અપાવે. હું ઉચ્ચતમ કક્ષાની વિશુદ્ધ સંયમ જીવન જીવવાની આ ભવની મારી ભાવના આવતા ભવે પૂર્ણ કરું, અપ્રમાદ ની સાધના કરું, વીતરાગ અને સર્વજ્ઞ બનીને કેવલ્ય પ્રાપ્ત કરું, સિદ્ધિપદ પામું". મારા ગુરૂદેવને ઘણા લોકો ભોળા કહેતા હતા, ના તેઓ ભોળા નહી સરળ હતા. પરમાત્મા મહાવીર ની એક માત્ર આજ્ઞા “હૈયાના સરળ બનો” મારા ગુરૂદેવે જીવનમાં નખશિશ અમલમાં મૂકી હતી.
૨૦૮
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |