________________
૯૧
પંન્યાસ ચન્દ્રશેખર મહારાજની
આંતરિક બાદશાહી • હિમખંડનો આઠમો ભાગ સાગરની સપાટી ઉપર તરતો દેખાય પણ તે ન ભુલશો કે ન દેખાતા
સાત ભાગ સાગરમાં છે. પૂ. ગુરુદેવની પ્રસિદ્ધિ આઠમા ભાગ જેવડી નાની છે. બાકી તેમની આંતરિક શુદ્ધિ સાત ભાગ જેવી અડીખમ છે.
• આવો યાત્રા કરીએ સાગરના પેટાળની જેમાં કેવલ જાગૃતિ અને વિશુદ્ધિ જ દેખાશે.
• ૬૦ વર્ષથી લગાતાર ૧૦૮ ઉગસગ્ગહરંનો જાપ તેઓ કરતા હતા. તેમને આ સ્તોત્ર માટે
તીવ્રશ્રદ્ધા હતી. તેઓને આ સ્તોત્રના પરચાઓ પણ મળેલ હતા.
• તપ અને જપ કરતાય વિશુદ્ધ ચારિત્ર જીવનના પાલનમાં તેમને ખુબ શ્રદ્ધા હતી. તેમનો
મુહપત્તીનો ઉપયોગ બેનમુન હતો.
• નિર્દોષ ગોચરીના તેઓ ખુબ આગ્રહી હતા. છતાં તેઓ જ્યારે આધાકર્મીનું સેવન કરતા હતા
ત્યારે રડતા હતા. અને કમાલ તો તે છે કે આ રૂદન તેમણે જીવનના અન્તિમ સમય સુધી
સાચવી રાખ્યું હતું. • તેઓ ઉપવાસ કરતા ય આયંબિલ વધુ કરવાનું કહેતા હતા. તેથી જ તેમના શિષ્યોમાં અનેક
મહાત્માઓને સો ઓળી થઈ ચુકી છે. મુનિશ્રી ધર્મ રક્ષિત વિજયની આયંબિલની ગોચરીમાંથી થોડા ભાત લીધા અને પૂ. ગુરુદેવ બોલેલા કે “આ ભાતના પ્રભાવે તારા ખાઉઘરા ગુરુમાં તપ જાગ્રત થાય તે શ્રદ્ધાથી લઉં છું.”
ઉત્તમ અપ્રમત્ત સાધક : ઉત્તમ એટલા માટે કે પ્રસિદ્ધિની કામના વિના જ પ્રવૃત્તિમાં તત્પર રહ્યા હતા. અપ્રમત્ત એટલા માટે તેમનાં વ્યક્તિગત સ્વાર્થ કે સન્માનનો લગીરે ય વિચાર તેમણે નથી કર્યો. અને સાધક એટલા માટે કે તેઓ લક્ષ સાથે જીવ્યા અને લક્ષ પૂર્વક જ વિદાય થયા હતા. તેમણે પોતાના મૃત્યુ સમયની નોંધ જાતે જ લખેલી હતી.
૨૦૫