________________
ગુરુદેવે આંદોલનની પ્રથમ સભામાં જાહેરાત કરી જો દેવનારના કતલખાનાનું આધુનિકરણ તથા વિસ્તૃતી કરણ નહી અટકે તો “હું મહાનગર પાલિકાના સદન સામે આત્મવિલોપન કરીશ” પૂ. ગુરુદેવના જૈફ ઉંમરે પણ ધસમસતા આ ખમીરને જોતા હજારો યુવાનો ઉભા થઈ જાય છે. આંદોલનના શ્રી ગણેશ શરૂ થાય છે. સમગ્ર મુંબઈના જીવદયા પ્રેમીઓ પૂ. ગુરુદેવશ્રીના નેતૃત્વ નીચે આ ભગીરથ કાર્ય માટે કાર્યરત બને છે. હિંસા સામે અહિંસાનું વાતાવરણ ગરમ બનતું જાય છે. દેવનાર કતલખાનું મુંબઈમાં વસતા માંસાહારી લોકોની જરૂરિયાત સંતોષવા માટે જ હતું. તેથી તેનો ઉપયોગ હુંડીયામણ મેળવવા માંસનું ઉત્પાદન તથા નિકાસ માટે કરવો તે સરકારનો જ ગેરકાનૂની વ્યવહાર હતો. માંસાહારી પ્રજાના પ્રાધાન્યવાળા મહારાષ્ટ્રમાં આની સામે આંદોલન ચલાવવું તથા તેમાં સફલતા મેળવવી તે ચન્દ્રશેખર મહારાજ માટે પણ પડકાર જનક હતું. જોકે સમગ્ર જીવનમાં પૂ. ગુરુદેવે આવા જ અઘરા કામોની સાથે જ પંગા લીધા છે. છતાં વિશિષ્ટ પુણ્યબળ તથા પૂર્ણ વફાદારી સાથે થયેલા તેમના પ્રયાસને ભુતકાળમાં સફળતા મળી છે. માટે સહુ અહિંસા પ્રેમીઓ એવા વિશ્વાસમાં હતા કે “આ આંદોલન જરૂર સફલ થશે'.
કાંદીવલી વિસ્તારના ધારાસભ્ય ગુજરાતી હતા. તેમનું નામ યોગેશ સાગૅર છે. ભાજપથી ચૂંટાયા હતા. એટલે સૌ પ્રથમ તેમનો સંપર્ક કરી તેમને આ આંદોલનમાં સક્રિય કર્યા. તેમણે પણ આ બાબતમાં ખુબ જ ભાવના સાથે રસ લીધો. આંદોલનની રૂપરેખા ગોઠવાઈ ગઈ.
આંદોલનની પ્રથમ સભા ઘાટકોપર ખાતે સર્વોદય હોલમાં ગુરુદેવે રાખેલી, જેમાં સ્થાનકવાસી સંપ્રદાયના સુપ્રસિદ્ધ સંત પૂ. નમ્રમુનિ અને ગુરુદેવનું મિલન થયું. સાથો સાથ આ સભામાં વિશ્વહિન્દુ પરિષદના પ્રધાન આચાર્ય ધર્મેન્દ્રજી મહારાજ પણ જોડાયા અને સમગ્ર મુંબઈમાં આ વિરોધ આગની જેમ ફેલાવા લાગ્યો.
૧૬૨