________________
૬૮
છેલ્લો સંગ્રામ મુંબઈમાં...
આચાર્ય તુલ્ય ગુરુદેવ મુંબઈ કાંદીવલીમાં ચાતુર્માસ માટે પધારે છે. ઘણાં વર્ષો બાદ મુંબઈમાં પૂ. ગુરુદેવશ્રીનું આગમન થતું હતું. યુવાનોમાં અપૂર્વ ઉલ્લાસ હતો. અભૂતપૂર્વ ચાતુર્માસ પ્રવેશ થયો. ચાતુર્માસ જબ્બરજસ્ત ચાલતું હતું પુનઃ એક ઝંઝાવાત ઉઠે છે.
જાણે ધર્મ મહાસત્તા વિદાય લેતા સુરજને એક છેલ્લી યશકલગી ચઢાવવા માંગતી હોય...સતયુગમાં સત્કાર્ય કરવા આસાન છે. કારણ કે મદદ કરનાર ઘણાં સજ્જનો મલી રહે છે. પણ કલિયુગમાં તો સત્કાર્ય કરવું. અશક્ય પ્રાય એટલા માટે છે કે ‘અહીં મદદ તો ન મલે પણ કામ કરનારને ગાળો મલે.
શ્રીકૃષ્ણ આદિ મહાપુરુષોએ સતયુગમાં સત્કાર્ય કર્યા છે. પણ ચન્દ્રશેખર મહારાજ તો કલિયુગમાં કૃષ્ણ બની સત્કાર્ય કરવા તત્પર થયા હોય તેવું મહસુસ થાય છે.
કપરા ચઢાણ છે. ઉત્સાહ તોડનારા વચ્ચે ઉત્સાહ ટકાવી રાખવાનો છે. અંતરાય નાંખનારાઓને શાંત પાડીને આગળ વધવાનું છે.
હા, આ એવો કલિકાલ છે કે ‘‘જેમાં કામ કરતા ભુલ કરો તો માફી માંગવી જ પડે જો કામ એક પણ ભુલ વિના કર્યું તો શાબાશી ન મળે’’ પણ આ તો કલિકાલના શ્રીકૃષ્ણ છે, જેને માત્ર સત્કાર્યના જ સારથી બનવામાં રસ છે.
કાંદીવલીમાં ચાતુર્માસ વ્યતિત કરતા પૂ. ગુરુદેવે મુંબઈના અખબારોમાં વાંચ્યું કે ‘‘મુંબઈ મહાનગર પાલિકા દેવનાર કતલખાનાનું રૂા. ૧૦૦ કરોડના ખર્ચે વિસ્તૃતી કરણ કરશે તથા માંસનું ઍક્સપોર્ટ વધારી દેશે’’ આવો નિર્ણય મહાનગર પાલિકાની સ્ટેડીંગ કમીટીમાં લેવાયો. અને કાંદીવલીમાં બિરાજમાન ચન્દ્રશેખર મહારાજ શંકર બનીને ત્રીજુનેત્ર ખોલે છે. અને પુનઃ એક મહા .આંદોલનની તૈયારી શરૂ થાય છે.
મુંબઈ ખાતે ગુરુદેવ પોતાના વિશાળ સૈન્યના સેનાધિપતિ યોગેશ ને તુરત બોલાવે છે. ગુરુદેવ તરફથી આદેશો અપાય છે.
૧૬૧