________________
પૂ. નમ્રમુનિના સ્થાનિક રાજકીય પક્ષોના નેતાઓ સાથે ખુબ સુમેળ ભર્યા સંબંધ હતા તે સંબંધોનો ઉપયોગ કરીને નમ્રમુનિ મહારાજે ઉદ્ધવ ઠાકરેનો સંપર્ક કર્યો, ચંદ્રશેખર મહારાજના ભીષ્મસંકલ્પની વાત કરી અને નમ્ર મુનિએ ચન્દ્રશેખર મહારાજની નિષ્ઠા અને ગરિમાથી ઉદ્ધવજીને માહિતગાર કર્યા. ઉદ્ધવજીએ આ બાબતે સહૃદયતા પૂર્વક વિચારવાનું વચન આપ્યું. અઠવાડિયા બાદ જ પાર્લા વેસ્ટમાં વિરાટ જનસભાનું આયોજન થયું જેમાં અધ્યક્ષ સ્થાને પૂ. ગુરુદેવ હતા તથા પૂ. નમ્રમુનિ આદિ મુનિ ભગવંતો, સન્યાસીઓ પણ હતા. સભામાં કોંગ્રેસના સાંસદ પ્રિયાદા શિવસેનાના નેતા સુભાષ દેસાઈ, ભાજપના યોગેશસાગર; મંગલ પ્રભાત લોઢા આદિ હતા અને સુભાષદેસાઈએ ત્યાં જાહેરાત કરી કે પૂ. ચન્દ્રશેખર મહારાજની સંવેદનાને નજરમાં રાખી મહાપાલિકા તે નિર્ણય ઉપર આવે છે કે “દેવનારના વિસ્તૃતીકરણને હાલ રોકી લેશે''. ભવ્ય જયનાદ સાથે આ જાહેરાતને વધાવી લેવાય છે. તમને ખબર છે ? જો પ્લાન પ્રમાણે દેવનારનો વિસ્તાર થયો હોત તો દરરોજના ૮૦૦૦ને બદલે ૧૫,૦૦૦ પશુઓની કતલ થાત. આ અટકાવીને પૂ. ગુરુદેવ લાખો જીવોના અભયદાનમાં નિમિત્ત બન્યા છે. સમગ્ર ધર્મસભા ચન્દ્રશેખર મહારાજના પ્રયાસને હૃદયથી બિરદાવે છે. ધર્મસભામાં ઉપસ્થિત પૂ. નમ્રમુનિએ પૂ. ગુરુદેવને “ઉર્જા પુરુષ” બિરૂદથી વધાવે છે. છેલ્લા ઉદ્ધોધનમાં પૂ. ગુરુદેવ જણાવે છે કે “આ એડધો વિજય છે. નિકાસબંધી માટે પણ મારે વચન જોઈશે હું આ વિજયથી સંતુષ્ટ નથી.”
૧૬૩
