________________ છે. ચોમાસું આપણને થોડું મળે ?' પણ અહીં તો ચમત્કાર થયો. હાથણી ગામ બહાર સૂતેલા ભિખારી ઉપર પાણી રેડીને રાજા બનાવે તે જ રીતે બારડોલી સંઘે ચોમાસા માટે વિનંતી કરી અને ગુરુદેવે સામે શરત મૂકી. જો તમે “દીપક' મને તપોવન માટે આપો, તો હું બારડોલી ચોમાસું કરું. આમ ગુરુદેવ સટોડીયાના દીકરા ખરા હોં. દીપક બારડોલીનો યુવાન હતો બચપનથી અનેક આચાર્ય ભગવંતોનો માનીતો હતો. જો દિપક તપોવનમાં જોડાય, તો ગૃહપતિની પોસ્ટ તે સંભાળી લે, તો સંસ્કરણનું કામ થઈ જાય. . આવા ભાવ સાથે ગુરુદેવે દાવ ખેલી લીધો. દીપકે સહર્ષ સંમતિ આપી. ગુરુદેવ બારડોલીમાં ચોમાસા માટે પધારે છે. નાનકડા બારડોલી માટે આ લોટરી જરૂર હતી. પણ ગરીબ ને લોટરી લાગે અને જો તે નાસમજ હોય તો ખુશ થાય. પણ સમજદારને ચિંતા થાય, કે આ સંપત્તિ સાચવવી શી રીતે નાનકડા બારડોલી માટે પં.ચંદ્રશેખર મહારાજનું ચાતુર્માસ સુપર લોટરી જેવું સંઘના વડીલ રસીકભાઈ પણ આવી મીઠી ચિંતામાં હતા. પરંતુ બારડોલીનું ચોમાસું ધારદાર થાય છે. બારડોલી સરદારના નામે પ્રસિદ્ધ હતું અને સંવત ૨૦૪૧ની સાલમાં બારડોલી એક શ્રમણના નામે ભારતમાં પ્રસિદ્ધ થયું. બારડોલી સુગર મીલના વિશાળ ગોડાઉનમાં રવિવારના જાહેર પ્રવચનો થતા હતા. રવિવારે પ્રવચન શ્રવણ માટે સુરતથી લગભગ ર૦ બસો આવતી હતી, અને પ્રવચન શ્રવણનો માહોલ મોટા શહેર જેવો જ જામતો હતો. પૂ. ગુરુદેવે પંન્યાસ પુંડરીકવિજયજી મ.સા. પાસે ભગવતી સૂત્રના જોગ બારડોલીમાં જ શરૂ કર્યા. 8 ) 127
