________________ તપોવન જિનાલય પ્રતિષ્ઠા.. 51 વિ.સં. 2043 નવસારી પાસે ધારાગિરિ ગામ છે. તે ગામની સીમામાં તપોવન આવેલું હતું. “ત્યાંનું વિરાટ જિનાલય” સુશ્રાવક મનુભાઈ ત્રિકમલાલની ઉદારતાની ભેટ હતી. પૂજયપાદ વર્ધમાન તપોનિધિ આચાર્ય દેવ શ્રીમદ્ ભુવનભાનુસૂરીશ્વરજી મ.સા., પૂ. નેમિસૂરીશ્વરજી મ.સા.ના સમુદાયના વિદ્વાન પંન્યાસ પ્રવર શ્રીમદ્ પ્રદ્યુમ્નવિજયજી (હાલ આચાર્ય ભગવંત) મ.સા. આદિ 136 સાધુઓ અને શતાધિક સાધ્વીઓની નિશ્રામાં પ્રતિષ્ઠા પ્રસંગ ઉજવાયો. પરમાત્મા શાતીનાથ મુલનાયક પ્રભુ હતા. આઠ દિવસ સુધી અપૂર્વ પરમાત્મ ભક્તિનો માહોલ સર્જાયો. દરેક પ્રસંગોમાં જંગી માનવ મેદની ઓતપ્રોત થતી જતી હતી. પૂ. ચન્દ્રશેખર મહારાજને આચાર્ય પદ ઉપર આરુઢ કરવા માટે અનેક સમુદાયના ધુરંધર આચાર્ય ભગવંતો એ પ્રયાસ કર્યો હતો પણ શક્ય ન બન્યું. તપોવન ખાતે અંજનશલાકા પ્રતિષ્ઠા સંપન્ન થઈ. પૂ. ગુરુદેવશ્રી પૂજ્યપાદ પરમ તારક ભુવનભાનુસૂરીશ્વરજી મ.સા. ને વંદન કરીને બેઠા છે. ત્યાં ધર્મજિતસૂરીશ્વરજી મ.સા. આવીને ભુવનભાનુસૂરિ મ.સા.ને કહે છે. “ગુરુદેવ ! આજે અહીં રહેલ ૧રપ સાધુઓની નવકારશી ચન્દ્રશેખર મહારાજના કારણે રોકાશે.આવા અણધાર્યા આક્રમણથી પૂજ્યપાદ ભુવનભાનુસૂરિ મ.સા. તથા પૂ. ગુરુદેવશ્રી ડઘાઈ ગયા બેય મહાત્માઓ પૂ. ધર્મજિતસૂરિ મ.સા. સામે આશ્ચર્ય સાથે જોઈને પુછે છે. કેમ ? ત્યારે ધર્મજિતસૂરિ મ.સા. જવાબ વાળતા કહે છે. બધાએ નક્કી કર્યુ છે કે “જ્યાં સુધી ચન્દ્રશેખર મ.સા. આચાર્ય પદના સ્વીકાર માટે સંમત ન થાય. ત્યાં સુધી નવકારશી ન કરવી.” 128