________________ અંતરિક્ષ તીર્થ પછીના ચંદ્રશેખર મહારાજ... | 50 ત્રણ વર્ષના વનવાસ પછી ચન્દ્રશેખર મહારાજ પુનઃ સંઘ અને શાસનના ક્ષેત્રમાં સક્રિય થાય છે. કેવલ તીર્થ રક્ષાના અતિ શુભ અધ્યવસાયો દ્વારા બંધાયેલા ઉગ્ર પુણ્યનો તત્કાલ ઉદય થયો હોય. તેવું તેમના છેલ્લા ર૦ વર્ષના જીવનમાં સ્પષ્ટ પણે દેખાવા લાગ્યું. ચન્દ્રશેખર મહારાજ માટે જેમને દુશ્મની હતી તેવા સજ્જનો કે સાધુ મહાત્માઓ માટે પણ ગુરુદેવ આદરણીય બની ગયા હતા. અંતરિક્ષના ત્રણ વર્ષ પૂ. ગુરુદેવ સક્રિય ન હતા પણ પરાશક્તિની કમાલ જુઓ તેમનું પુણ્ય વધુ સક્રિય બન્યું. નવસારી પાસે તપોવન માટે જે જમીન સંપાદિત કરી હતી તેમાં હસમુખભાઈ, મનુભાઈ, યોગેશ, વિધુત, નવીનભાઈ કીટેક આદિના પ્રયત્નોથી ત્યાં તપોવન માટેના ત્રણ મકાનોના નિર્માણનું કાર્ય શરૂ થઈ ગયું અને ૧૯૮૪ની સાલમાં તપોવન પણ શરૂ થયું ધો.પ-૬૭ના 150 બાળકોનો પ્રવેશ થઈ ગયો. તે તપોવન ધમધોકાર ચાલે તેવો ભાવ પૂ. ગુરુદેવનો હતો. ગુરુદેવ આ તપોવન દ્વારા લાખો માનવો બનાવવા માંગતા હતા. તપોવનમાં બાળકોને સંભાળી શકે તેવા ગૃહપતિની પોસ્ટ માટે તેજસ્વી યુવાનની જરૂર હતી. લલિતભાઈ-યોગેશ વગેરે આ બાબતે ચિન્તિત હતા. આ બાજુ અંતરિક્ષથી વિહાર કરી “પૂ. ગુરુદેવ સુરત તરફ આવે છે'' તેવું લગભગ નક્કી હતું. ચાતુર્માસ ક્યાં કરવું તે જાહેર થયું ન હતું. પણ સુરતવાળા તેવા વિશ્વાસમાં હતા કે “ચોમાસું સુરત જ થશે” અને ગુરુદેવ વિહારમાં અમલનેર પહોંચે છે. બારડોલી સ્ટેશનનો સંઘ માત્ર એટલી જ વિનંતી કરવા આવેલો કે “સાહેબ ! સુરત પધારો છો, તો બારડોલી થઈ ને પધારજો” તે વખતે સુરત નવસારીના સંઘો ચાતુર્માસની વિનંતી માટે આવેલા હતા. આ વાતાવરણથી ભાવવિભોર બનેલા માત્ર પ૭ ઘરના બારડોલી સ્ટેશન સંઘે પણ ચાતુર્માસની વિનંતી કરી. જોકે બારડોલી સંઘને એવો વિશ્વાસ હતો જ કે “આ તો માત્ર વ્યવહારની જ વિનંતી 126