Page Text
________________ જે વિવાદાસ્પદ મંદિરનો ભાગ હતો ત્યાં અનેકવાર બે સંપ્રદાય વચ્ચે સંઘર્ષો થતા રહેતા. બે વાર પોલીસ સાથે પણ વિવાદ થયો અનેક ટેન્શનો વચ્ચે પૂ. ગુરુદેવશ્રી પોતાની બેઠી તાકાતથી સમય પસાર કરતા જતા હતા. ત્રણ વર્ષ સુધી એક શક્તિશાલિ પુણ્યવાનું વ્યક્તિને સ્થિર કરી દેવામાં શેષ ભારતના જૈનસંઘોને, તેમજ બીજા અનેક યશસ્વી આયોજનોને ધક્કો લાગે તેવું ચિત્ર શ્રીસંઘના વડિલોને દેખાયું. બીજી બાજુ અંતરિક્ષ તીર્થના તમામ ચુકાદા શ્વેતાંબરોની તરફેણમાં આવી જ ગયા હતા. ગુરુદેવના રોકાણ દરમિયાન પવલી મંદિરના વિવાદનો ચુકાદો છે.મૂ. જેનોની તરફેણમાં આવ્યો જે ચૂકાદો ઐતિહાસિક હતો. આવી અનેક ઉપલબ્ધિઓ સાથેના ત્રણ વર્ષ પસાર થયા હતા. તેથી પૂ. ભુવનભાનુસુરિ મ.સા. કહેતા હતા કે “ચન્દ્રશેખર ! તારું કામ તીર્થના વાતાવરણને સ્વસ્થ કરવાનું હતું તે થઈ ગયું છે. બાકી કાનૂની ગુંચ તો 30 વર્ષે પણ નહી ઉકલે. તો શું તું માત્ર ત્યાં જ બેસી રહે તે ઉચિત છે? પૂજ્યપાદશ્રી જણાવતા હતા કે “ચન્દ્રશેખર ! જિનશાસન અને સમગ્ર ભારતના જૈન સંઘોમાં : બીજા અનેક કાર્યો તારે કરવાના છે. માટે હવે તું અંતરિક્ષ તીર્થથી વિહાર શરૂ કર.' ચદ્રશેખર મહારાજે ગુર્વાજ્ઞાને શિરસાયન્ચ કરી વિહારનો નિર્ણય લીધો. યાદ રાખજો જ્યારે પૂ. ગુરુદેવનો પ્રવેશ થયો ત્યારે વાતાવરણમાં વિવાદની બલ્બ હતી. દિગંબરોને ચન્દ્રશેખર મહારાજ માટે નફરત હતી. પણ જ્યારે ત્રણ વર્ષ બાદ વિહાર થાય છે ત્યારે મહારાજની વિદાયની વેદના ગામના સહુ લોકોના અંતર અને આંખમાં દેખાતી હતી. ગામમાં એક મુસ્લિમ પઠાણ રહેતા હતો. જ્યારે વિહાર થયો ત્યારે તે ચોધાર આંસુએ રડતા હતા. આ સિદ્ધિ ત્રણ વર્ષના રોકાણની હતી. ૧૯૮૫ની સાલમાં વિહાર થયો આજે 29 વર્ષ વિહારને થઈ ગયા કોર્ટનો મામલો કોર્ટોમાં ચાલે છે. પણ ર૯ વર્ષમાં ક્યારેય કોઈપણ બાબતને લઈ બે સંપ્રદાય વચ્ચે તણાવ સર્જાયો નથી. બનેય સંપ્રદાયો ભાઈ-ભાઈની જેમ રહે છે. આ સિદ્ધિ ત્રણ વર્ષના રોકાણની છે.
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |