________________ ગુજરાત હાઈકોર્ટના નિવૃત્ત ચીફ જસ્ટીસ સાકળચંદ શેઠ, આકોલાના સ્થાયી વકીલ પાંડે, તથા જે. આઈ. મહેતા બોમ્બે હાઈકોર્ટના વકીલ હતા તેઓ ખુબજ નિષ્ઠાપૂર્વક સાવ નાની ગણાતી વાસીમકોર્ટમાં તીર્થરક્ષાના કેસો લડતા. યોગેશ આદિ યુવાનો એક વર્ષ આકોલામાં રહી સ્થાનિક વડિલો સાકળચંદભાઇ, મનુભાઇ, ગોકુલભાઈ, દિલીપભાઈ આદિ સાથે મળી હજારો પાનાની કાનુની કાર્યવાહીના પેપરોને વ્યવસ્થિત કરી મજબુત Legal cell તૈયાર કર્યો. * મંદિર ન ખુલ્યું પણ ગુરુદેવશ્રીની ત્રણવર્ષની હાજરીના લીધે બેય સંપ્રદાયના જૈનોના હૃદયના દ્વાર ખુલ્લા થઈ ગયા. * આ મૈત્રી સાક્ષાત મહાવીર દેવની કરૂણાની સ્થાપના તુલ્ય હતી દિગંબરો અને શ્વેતાંબરો વચ્ચેની મૈત્રી કાનૂની અશાંતિ વચ્ચે પણ પ્રેમપુજા જેવી હતી. બન્નેય કોમો વચ્ચે સદીઓ જૂની દુશ્મનીની સ્મશાન યાત્રા નીકળી અને મૈત્રી મંદિરના દ્વાર ઉઘડયા. * જિન મંદિર બંધ હતું પણ પરસ્પરના વિશ્વાસનું મંદિર ખુલી ગયું. એ સદીની શ્રેષ્ઠ સિદ્ધિ હતી. ઝઘડતા બે ભાઈ એક ન થઈ શક્યા. પણ પરસ્પર વિશ્વાસ જન્મ્યો તે પણ બહુમોટી સિદ્ધિ છે. અંતરિક્ષ તીર્થમાં ત્રણ વર્ષ સુધી લગાતાર રહેવું તે પણ એક સ્વયં સાધના છે. ખુબ નાનું ગામ, વાહન વ્યવહારની પણ સુવિધા ન મળે. છાપુ પણ માંડ માંડ આવે. વિદર્ભની વિકરાળ ગરમી. આવા સ્થાનમાં તીર્થરક્ષા કાજે શ્રમણ સંઘના શ્રેષ્ઠ વકતા પ્રવચન પ્રભાવક એવા ગુરુદેવશ્રી હોંશે હોંશે રહ્યા. જાહેર જીવનમાં રહેલા આ મહાપુરુષની કેવી અંતર્મુખતા હશે. તે માત્ર આપણી કલ્પનાનો વિષય છે. આપણી શ્રદ્ધાનું કેન્દ્ર છે. સતત ત્રણ વર્ષ, - ર૪ કલાક માત્ર તીર્થરક્ષાના વિચારોમાં પસાર કર્યા. વારંવાર સમાધાન માટે પ્રયાસો થતા રહ્યા. 124