________________
ગુરૂશિષ્યના ઐતિહાસિક મુંબઈના ત્રણ ચાર્તુમાસ | ૪૨
ઇતિહાસમાં ડોકીયું કરીએ તો યાદ આવે પૂ. પરમગુરુદેવ પ્રેમસૂરીશ્વરજી મ.સા., પંન્યાસ ભાનુવિજયજી સાથે મુંબઈ પધાર્યા હતા, અને વિ.સં. ૨૦૦૬-૭-૮ના ત્રણ ચાતુર્માસ મુંબઈમાં કરી દીક્ષાની રમઝટ બોલાવી હતી. તે જ સમયે શ્રી સંઘને ચન્દ્રશેખરવિજયની પ્રાપ્તિ થઈ હતી. એક ઇન્દ્રવદન નામનો શ્રીમંત પરિવારનો દીકરો સંયમના માર્ગે જઈ ચન્દ્રશેખર વિજયજી બને છે.
ચન્દ્રશેખર મહારાજે વિ.સં. ૨૦૩૩-૩૪-૩૫ના ત્રણ ચાતુર્માસ ૨૫ વર્ષ પછી મુંબઈમાં ગાળી તે ઋણને ઉતારવાનો પ્રયાસ કર્યો. અને મુંબઈની શિબિરો દ્વારા અનેક યુવાનોને શાસન સમર્પિત થવા પ્રેરિત કર્યા.
કેવી એતિહાસિક ઘટના છે. ગુરૂપ્રેમસૂરીશ્વરજી મ.સા. ત્રણ ચોમાસા મુંબઇમાં કરે છે. પૂજ્યપાદ જયઘોષસૂરીશ્વરજી, હેમચન્દ્રસૂરીશ્વરજી તેમજ ચન્દ્રશેખર મહારાજ સહિત ૨૦-૨૫ ધુરંધર સંયમી પ્રાપ્ત કરે છે.
ચન્દ્રશેખર મહારાજ જાણે ગુરૂના ઋણના સ્મરણમાં વિ.સં. ૨૦૩૩, ૩૪,૩૫ના વર્ષમાં ત્રણ ઐતિહાસિક ચાતુર્માસ કરે છે. અને આ ત્રણ ચોમાસ દરમ્યાન મેઘદર્શન વિજય, કીર્તિદર્શન વિજય, પપ્રદર્શન વિજય, ધર્મરક્ષિત વિજય, જિતરક્ષિત વિજય, મનોભૂષણ વિજય આદિ ધુરન્ધર શિષ્યો પ્રાપ્ત કરે છે.
સાથે સાથે ધામની સ્થાપના દ્વારા અનેક શાસન પ્રભાવક કાર્યો શરૂ થયા. સાધર્મિક ભક્તિ, વૈયાવચ્ચ, અનુકંપા, જીવદયા કોઈ ક્ષેત્ર બાકી નથી જ્યા ધામ પહોચ્યું નથી. ગુરૂ શિષ્યના મુંબઈના ત્રણ-ત્રણ ચોમાસાએ આ સદીના જૈન સંઘનો ઇતિહાસ બદલી નાખ્યો. મુંબઈ જૈન સંઘનો પ્રત્યેક સભ્ય આ ગુરૂ-શિષ્યની જોડીનો અત્યંત ઋણી છે. મોટા ભાગના શ્વેતામ્બર જૈન કુટુંબના સંસ્કારના મૂળ લગભગ આ ગુરૂ કે શિષ્ય સુધી પહોંચતા હશે.
૧૦૮
