________________
રાજુ તો દુષ્ટ હતો. જાણે કે દુષ્ટતા સદ્ગક્ના શબ્દબીજ માટે ખાતર પાણીની ગરજ સારે છે. અને દુષ્ટતામાંથી શ્રેષ્ઠ સમર્પણની ગુલાબી સુવાસ પ્રસરે છે. રાજુની દુષ્ટતા ભાવુકતા સભર હતી. માટે શ્રવણ અસરકારક બને છે.
રાજુનો સમગ્ર પરિવાર આ બદલાવથી રાજી છે. તો ડરે પણ છે કે “આ પરિર્વતન ક્ષણિક તો નહી નીવડેને?”
ચન્દ્રશેખર મહારાજ અસાધ્ય કક્ષાના ભાવરોગીઓ માટે ધન્વન્તરી હતા. પછી તો રાજુ ચન્દ્રશેખર મહારાજનો આશિક બન્યો.
જો કે કર્મની વિષમતાના ચક્કરમાં રાજુના જીવનમાં પરિવર્તન અને ગુન્હાહિત ભૂતકાળનું પુનરાવર્તન વારંવાર ચાલ્યા કર્યું. પણ એક વાત નોંધવી જ રહી ગુનાની કબુલાત અને ગુનાની પીડા તો રાજુના જીવનમાં મેં કાયમ જોઈ છે. આ હતી, પૂ. ગુરુદેવના પ્રવચનોની સિદ્ધિ.
મુંબઈમાં યુવા પ્રવૃત્તિઓનો વ્યાપ વધતો ચાલ્યો હજારો યુવાનો મુંબઈના રંગીન વાતાવરણની વચ્ચે પણ ગુરુદેવના જ્વલંત સદાચારના પયગામોના આશિક બન્યાં. આજે એવું ચોક્કસ કહી શકાય કે મુંબઈમાં યુવાનોની ભીડ ધર્મસ્થાનોમાં જે દેખાય છે તેનો બેઝીક સોર્સ કેવલ ચન્દ્રશેખર મહારાજ છે. હાલ જે ૫૦-૬૦ આસપાસના ધર્મ પામેલ, સંયમ પામેલ મુંબઈની વ્યક્તિના મૂળ કદાચ ચન્દ્રશેખર મહારાજના મુંબઈના આ ત્રણ ચોમાસામાં રહેલું હશે.
૧૦૭
