________________
દિવંગત થઈ જવાથી અને પોતાના પુત્ર ઉદયનની ઓછી ઉંમરના કારણે મૃગાવતી પોતે રાજ્યનું સંચાલન કરી રહી હતી. ભગવાનના આગમનના સમાચાર સાંભળીને તે ભગવાનની દેશનામાં ગઈ. ભગવાનની દેશના સાંભળી તેને સંસારથી વિરક્તિ થઈ ગઈ. દીક્ષા લેવા માટે તૈયાર રાણીએ ત્યાં હાજર ચંડપ્રદ્યોત પાસે દીક્ષા માટે પરવાનગી આપવાની પ્રાર્થના કરી. ભરી સભામાં ચંડપ્રદ્યોતે મજબૂર થઈને ફક્ત પરવાનગી જ ન આપી, પણ મોટા સમારંભ સાથે મૃગાવતીને ભગવાન પાસે દીક્ષા અપાવી. ખૂબ જ ચતુરાઈથી મૃગાવતીએ પોતાના શીલવ્રતની રક્ષા કરી અને ધર્મમાર્ગનું અનુસરણ કર્યું. ભગવાને તે વરસનું ચાતુર્માસ વૈશાલીમાં પૂરું કર્યું.
- (કેવળીચનું નવમું વરસ ) વૈશાલીમાં વર્ષાવાસ પૂરો કરી ભગવાન મિથિલા થઈને કાકંદી આવ્યા અને સહસ્ત્રાપ્રવનમાં રોકાયા. ભગવાનના આગમનના સમાચાર સાંભળીને રાજા જિતશત્રુ પણ તેમની સેવામાં પહોંચ્યા. ભદ્રા સાર્થવાહિનીનો પુત્ર ધન્યકુમાર પણ પહોંચ્યો અને પ્રભુના ઉપદેશથી વિશાળ વૈભવ અને સુખભોગ છોડીને દીક્ષિત થઈ ગયો. દીક્ષા ગ્રહણ કરતા જ ધન્યકુમારે ભગવાનની સામે પ્રતિજ્ઞા કરી : “હું આજીવન છટ્ટ-છઠ્ઠની તપસ્યા કરતા-કરતા વિચરણ કરીશ અને છઠ્ઠ તપના પારણામાં આયંબિલ કરીશ અને ઉજિઝત ભોજન જ ગ્રહણ કરીશ.” આ રીતે ઘોર તપસ્યા વડે તેમણે પોતાનું શરીર સૂકવી નાંખ્યું. ધન્યકુમારનાં તપ અને અધ્યવસાય એટલા ઉચ્ચ હતાં કે ભગવાન મહાવીરે તેમને ૧૪ હજાર સાધુઓમાં સૌથી વધુ દુષ્કર કરણી કરવાવાળા જણાવીને તેમની પ્રશંસા કરી. ૯ મહિનાના સાધુપર્યાયમાં ધન્ય મુનિએ અનશનપૂર્વક દેહત્યાગ કર્યો અને સર્વાર્થસિદ્ધિ વિમાનમાં દેવરૂપે પેદા થયા.
સુનક્ષત્રકુમાર પણ આ જ રીતે દીક્ષિત થઈને સર્વાર્થસિદ્ધિમાં ગયા. કાકંદીથી વિહાર કરી ભગવાન કામ્પિલપુર અને પોલાસપુર થઈને વાણિજ્ય ગામ પધાર્યા. “કામ્પિલપુર'માં કુંડકૌલિકે શ્રાવકધર્મ ગ્રહણ કર્યો અને પોલાસપુરમાં સદાલપુત્રે બાર વ્રત સ્વીકાર કર્યા. વાણિજ્ય ગામથી વિહાર કરીને ભગવાન વૈશાલી પધાર્યા અને ત્યાં જ વર્ષાવાસ પૂરો કર્યો. જૈન ધર્મનો મૌલિક ઈતિહાસ 9999999999999999 ૩૩૯ |
