________________
૫. સફેદ ગોવર્ગનું તાત્પર્ય છે કે - ‘તમે ચતુર્વિધ સંઘની સ્થાપના કરશો.' ૬. વિકસિત પદ્મ સરોવરનો અર્થ છે કે - ચાર પ્રકારના દેવ તમારી સેવા કરશે.’
૭. સમુદ્રને તરીને પાર કરવાનો અર્થ છે કે - ‘તમે સંસારસાગરને પાર કરી શકશો.’
છે
૮. ઉદયમાન સૂર્યથી વિશ્વમાં આલોક-પ્રકાશનો અર્થ છે કે - ‘તમે કેવળજ્ઞાન પ્રાપ્ત કરી બીજા બધાને પ્રતિબોધ આપશો.’
૯. આંતરડાથી માનુષોત્તર પર્વતને આચ્છાદિત કરવાનો અર્થ એવો છે કે - ‘તમારી કીર્તિ આખા મનુષ્યલોકમાં ફેલાશે.’
૧૦. મેરુ પર્વત ઉપર ચડવાનો અર્થ એવો છે કે - ‘તમે સિંહાસન ઉપર આરૂઢ થઈ ધર્મોપદેશ આપશો.’
દેદીપ્યમાન-ઝગમગતી માળાઓનો અર્થ સ્વયં ભગવાને બતાવ્યો કે - ‘એ બે પ્રકારના ધર્મ અર્થાત્ સાધુધર્મ અને શ્રાવકધર્મની દેશના કરશે.’ આમ સ્વપ્નોનો અર્થ જાણી બધા પ્રસન્ન થયા. અસ્થિગ્રામના વર્ષાવાસમાં ભગવાનને ત્યાર બાદ કોઈ ઉપસર્ગ નડ્યો નહિ. એમણે શાંતિથી પંદરપંદર દિવસના ઉપવાસ ૮ વખત કર્યા અને પ્રથમ વર્ષાવાસ પૂર્ણ કર્યો.
સાધનાનું બીજું વર્ષ
અસ્થિગ્રામનો વર્ષાકાળ પૂરો કરી માગશર કૃષ્ણ પ્રતિપદાએ ભગવાને મોરાક સન્નિવેશની તરફ વિહાર કર્યો. મોરાક પહોંચીને તેઓ એક ઉપવનમાં બિરાજ્યા. ત્યાં અચ્છેદક નામનો એક માણસ રહેતો હતો, જે જ્યોતિષથી એની આજીવિકા ચલાવતો હતો - (ગુજરાન ચલાવતો હતો.) સિદ્ધાર્થ દેવે મોરાક ગ્રામના લોકોને કહ્યું : “આ તપસ્વી ત્રણ જ્ઞાનના ધારક છે અને ભૂત, ભવિષ્ય, વર્તમાન ત્રણેય કાળની વાતો જાણે છે.’' એટલું જ નહિ, એણે અચ્છેદક વડે કરાયેલા ખોટાં કામોને પણ ઉઘાડાં પાડ્યાં, જે તપાસ કરતા સાચા સાબિત થયા, પરિણામે એનો પ્રભાવ ઓછો થવા લાગ્યો. આ તરફ ભગવાનના તપથી પ્રભાવિત વધુ ને વધુ સંખ્યામાં લોકો એમની પાસે આવવા લાગ્યા. આ જોઈ અચ્છેદક ગભરાઈ ગયો. એણે ભગવાન પાસે જઈ પ્રાર્થના કરી : “ભગવન્ ! તમે તો નિઃસ્પૃહ અને સર્વશક્તિમાન છે, તમારા અહીંયા રોકાવાથી મારી
જૈન ધર્મનો મોલિક ઇતિહાસ
૭૭ ૩૦૭
