Page Text
________________
કન્યાઓ સુવર્ણબાહુનો આભાર માની બોલી: “આ રાજા ખેચરેન્દ્રની રાજકુમારી પડ્યા છે. એના પિતા મૃત્યુ પામતા એની માતા રત્નાવલીની સાથે અહીં ગાલવ ઋષિના આશ્રમમાં સુરક્ષા માટે આવેલી છે. ગઈકાલે. એક દિવ્યજ્ઞાનીએ કહ્યું હતું કે - “એને સુવર્ણબાહુ જેવા યોગ્ય વર મળશે.” તે વાત સાચી ઠરી છે.” આશ્રમના આચાર્ય ગાલવ ઋષિએ જયારે સુવર્ણબાહુના આગમનના સમાચાર સાંભળ્યા તો મહારાણી રત્નાવલીની સાથે તેઓ પણ ત્યાં પહોંચ્યા અને સાદર સ્વાગત-સત્કાર કર્યા પછી પદ્માના એમની સાથે લગ્ન કરાવી દીધા. થોડોક સમય ત્યાં ગાળી રાજા એના રાજ્યમાં પાછા ફર્યા. રાજ્યશ્રી માણતા હતા તેવામાં એમને ત્યાં ચક્રરત્ન ઉત્પન્ન થયું. એના પ્રભાવ પડે છ ખંડો પર વિજયધ્વજા ફરકાવી સુવર્ણબાહુ ચક્રવર્તી સમ્રાટ બની ગયા.
એક દિવસ પુરાણપુરના ઉદ્યાનમાં તીર્થકર જગન્નાથનું સમવસરણ થયું. આનંદિત થઈ સુવર્ણબાહુ પણ સપરિવાર એમને પ્રણામ કરવા ગયા. તીર્થકર જગન્નાથનાં દર્શન અને સમવસરણમાં આવેલા દેવોનું વારંવાર સ્મરણ કરી સુવર્ણબાહુ ઘણા રોમાંચિત થયા ને એમને વૈરાગ્ય-જીવનની મહત્તા પર ઊંડું ચિંતન કરતા જાતિસ્મરણ જ્ઞાન થઈ ગયું, પરિણામે એમણે એમના પુત્રને રાજકાજ સોંપીને તીર્થકર જગન્નાથ પાસે દીક્ષા અંગીકાર કરી અને ઉગ્ર તપસ્યા કરીને અદ્ભક્તિ વગેરે વીસ સ્થાનોમાંથી અનેકની સમ્યક રૂપે આરાધના કરીને તીર્થકર નામગોત્રનો બંધ કર્યો.
તેઓ તપની સાથે-સાથે ઘણી કઠોર પ્રતિજ્ઞાઓ પણ કરતા હતા. એક સમયે તેઓ વિહાર કરતા-કરતા ક્ષીરગિરિની પાસે ક્ષીરવર્ણ નામના જંગલમાં સૂર્ય તરફ નજર કરી, કાયોત્સર્ગપૂર્વક આતાપના લેવા ઊભા થઈ ગયા. એ સમયે કમઠનો જીવજે સાતમા નરકમાંથી નીકળીને એ વનમાં સિંહના રૂપે જન્મ્યો હતો, મુનિને જોઈને પૂર્વજન્મના વેરથી ખેંચાઈને ક્રોધથી ગર્જના કરતો એમના પર તૂટી પડ્યો. મુનિ સુવર્ણબાહુ કાયોત્સર્ગ પૂરુ કરી સંલેખનાપૂર્વક અનશન કરી ધ્યાનમગ્ન થઈ ગયા હતા. સિંહે એમના પર હુમલો કરી એમના શરીરને ફાડવા માંડ્યું. છતાં પણ મુનિ બિલકુલ શાંત અને અચળ રહ્યા. સમભાવથી એમનું આયુષ્ય પૂર્ણ કરી તેઓ મહાપ્રભ નામના વિમાનમાં દેવ થયા અને વિસ સાગરની વય મેળવી. સિંહ પણ મરીને ચોથા નરકમાં ઉત્પન્ન થયો અને દસ સાગરની ઉંમર મેળવી. નરકનો સમયગાળો પૂરો થતા તે લાંબા સમય સુધી તિર્યફ યોનિઓમાં અનેક જાતનાં દુઃખો ભોગવતો રહ્યો. [ ૨૫૮ 969696969696969696969696969696963 જૈન ધર્મનો મૌલિક ઇતિહાસ
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |