________________
(પૂર્વજન્મ અને સાધના ) કોઈ પણ આત્મા એકાએક જ પૂર્ણ વિકાસ પ્રાપ્ત નથી કરતો. જન્મો-જન્મનાં કર્મો અને સાધના વડે જ વિશુદ્ધિ મેળવીને તે મોક્ષયોગ્ય સ્થિતિ મેળવે છે. “ચઉવજ્ઞમહાપુરિસચરિય” અને “ત્રિષષ્ટિશલાકાપુરુષચરિત્ર'માં ભગવાન પાર્શ્વનાથના દસ પૂર્વભવોનું વર્ણન છે. પ્રથમ મરુભૂતિ અને કમઠનો ભવ, બીજો હાથીનો ભવ, ત્રીજો સહસ્ત્રાર દેવનો, ચોથો કિરણદેવ વિદ્યાધરનો, પાંચમો અશ્રુત દેવનો, છઠ્ઠો વજનાભનો, સાતમો ગ્રેવેયક દેવનો, આઠમો સ્વર્ણબાહુનો, નવો પ્રાણત દેવનો અને દસમો પાર્શ્વનાથનો.
ભગવાન પાર્શ્વનાથે એમના આઠમા એટલે કે સ્વર્ણબાહુ(સુવર્ણબાહુ)ના ભવમાં તીર્થકર નામ-ગોત્ર ઉપાર્જિત કર્યું. એ જન્મનો ટૂંકસાર અહીં આપવામાં આવી રહ્યો છે. વજનાભનો જીવ દેવલોકથી શ્રુત થઈ પૂર્વવિદેહમાં મહારાજ કુલિશબાહુની ધર્મપત્ની રાણી સુદર્શનાની કુક્ષિથી ચક્રવર્તીનાં સઘળાં લક્ષણોથી સજ્જ સુવર્ણબાહુના રૂપમાં જન્મ્યો. એના યુવાન થતા જ મહારાજે એમનાં લગ્ન કરાવી દીધાં અને એમનો રાજપદ પર અભિષેક કરી પોતે દીક્ષા લઈ લીધી.
એક વખતની વાત છે, જ્યારે સુવર્ણબાહુ ઘોડા પર બેસીને હવા ફેર કરવા અને પ્રકૃતિનું સાંનિધ્ય માણવા માટે ગયા, ત્યારે રસ્તામાં ઘોડો બેકાબૂ થઈ ઝડપથી એમને એક ગાઢ જંગલમાં લઈ ગયો. જંગલમાં એક સરોવર પાસે એ ઘોડો ઊભો રહ્યો, ત્યારે રાજાએ ઘોડા પરથી ઊતરીને સરોવરમાં હાથ-મોઢું ધોઈ, પાણી પીધું અને ઘોડાને એક ઝાડ સાથે બાંધીને લટાર મારવા ઊપડી ગયો. થોડે દૂર જતા એક આશ્રમ પાસે બાગમાં એમણે કેટલીક યુવતીઓને રમતી જોઈ. એમાંની અત્યંત સૌંદર્યવાન યુવતી પર રાજાની નજર ઠરી ગઈ અને એને અનિમેષ તાકતા જ રહ્યા. એ યુવતીએ એમના કપાળ ઉપર ચંદન વગેરેનો લેપ કર્યો હતો, જેને લીધે એના મોઢા ઉપર ભમરાઓ ભમી રહ્યા હતા. યુવતી એમને જેમ દૂર કરવાનો પ્રયત્ન કરતી તેમ-તેમ વધારે ને વધારે ભમરાઓ એની પર ભમવા લાગ્યા. છેલ્લે કંટાળીને તે ચીસ પાડી ઊઠી. આ જોઈ સુવર્ણબાહુએ એની ચાદરના છેડા વડે ભમરાઓને દૂર કરી એ યુવતીને હેરાન થતી બચાવી. જૈન ધર્મનો મૌલિક ઇતિહાસ 96969696969696969699999999 ૨૫૦ |
