Page Text
________________
બ્રહ્મદ જવાબ આપ્યો : “ભગવન્! તમારું કહેવું સો ટકા સાચું છે. હું જાણું છું કે વિષયાસક્તિ બધાં દુઃખોની જનેતા છે અને અનર્થોનું મૂળ છે. પરંતુ જે રીતે કાદવમાં ફસાયેલો હાથી ઈચ્છવા છતાં પણ એમાંથી બહાર નથી નીકળી શક્તો, એ જ રીતે હું પણ નિદાનથી મળેલ આ ભોગોના કાદવ-કીચડમાં એટલી ખરાબ રીતે ફસાયેલો છું કે સંયમ ગ્રહણ કરવું મારી હેસિયત બહારની વાત છે.” ચિત્તે કહ્યું : “રાજનું! જીવન ઝડપથી પસાર થઈ રહ્યું છે. વિષયભોગ હંમેશાં રહેવાના નથી. જે રીતે ફળ વગરનું વૃક્ષ છોડી પક્ષી જતાં રહે છે, એ જ રીતે આ કામભોગ પણ એક દિવસ તને જરૂર છોડી દેશે. જે આપણને છોડીને જનાર છે, એને આપણે જ પહેલા છોડી દઈએ એ જ વધુ સારું છે. તું કહે છે કે - “નિદાનથી પ્રાપ્ત સુખ-ભોગોને પૂર્ણતઃ છોડવામાં અસમર્થ છે.” પણ જો તું પ્રાણીમાત્રની સાથે મૈત્રીપૂર્ણ ભાવ રાખીશ અને પરોપકારનાં કાર્યોમાં સંલગ્ન રહીશ, તો એનાથી તને દિવ્ય સુખ પ્રાપ્ત થઈ શકશે.”
આટલું કહી મુનિ ચિત્ત ત્યાંથી અન્યત્ર વિહાર કરી ગયા. અનેક વર્ષો સુધી સંયમનું આચરણ કરતા રહીને કઠોર તપની આગમાં પોતાનાં સંપૂર્ણ કર્મોને ભસ્મીભૂત કરી શુદ્ધ-બુદ્ધ થઈ નિર્વાણ પામ્યા. - બ્રહ્મદત્ત પહેલાંની જેમ જ ચક્રવર્તીની ઋદ્ધિ, સિદ્ધિ અને રાજ્યશ્રીનો ઉપભોગ કરવા લાગ્યો. એક દિવસ બ્રહ્મદત્ત યૂનાનનરેશ પાસેથી ભેટમાં મળેલ એક ઘોડા ઉપર બેસીને કામ્પિલ્ય નગરની બહાર નીકળ્યો. ઘોડાની ગતિની કસોટી કરવા માટે જવું એણે ચાબુક વીંઝયો, ઘોડો વાયુવેગે દોડવા લાગ્યો. એણે ઘોડાને થોભાવવા ઘણી મહેનત કરી, પણ એ અનેક નદી-નાળાં અને વનોને ઓળંગીને એક ગાઢ જંગલમાં જઈને ઊભો રહ્યો. એ વનમાં સરોવરના કિનારે એક સુંદર નાગકન્યાને કોઈક જારપુરુષ સાથે સંભોગ કરતી જોઈ બ્રહ્મદત્ત ઘણો ગુસ્સે થયો અને એમને બંનેને ચાબુકથી ફટકાર્યા. થોડી વાર પછી બ્રહ્મદત્તના સેવકો એમને શોધતા-શોધતા ત્યાં આવી પહોંચ્યા તો તે એમની સાથે કામ્પિલ્યપુર પાછા ફર્યા.
આ તરફ ચાબુકની ફટકારથી જખ્ખી થયેલ નાગકન્યાએ એના પતિ નાગરાજને બ્રહ્મદત્તની ફરિયાદ કરી : હું મારી સખીઓ સાથે વનવિહાર અને જલક્રીડા કરીને ફરી રહી હતી, ત્યારે બ્રહ્મદત્ત ચક્રવર્તીએ મને જોઈ અને મારા પતિવ્રતધર્મને નષ્ટ કરવા પ્રયત્ન કર્યો. મારા ના પાડવાથી મને ચાબુક વડે વિઝીને અધમુવી કરી નાંખી. મેં કહ્યું : ૨૫૦ 9િ6969696969696969696969696969696) જૈન ધર્મનો મોલિક ઇતિહાસ
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |