Page Text
________________
મહેલમાં લઈ ગયા અને યોગ્ય સમય જોઈ પોતાની પુત્રી કટકવતીનાં લગ્ન એની સાથે કરાવી દીધાં અને સાથે પોતાની ચતુરંગિણી સેના પણ દહેજમાં આપી.
બ્રહ્મદત્તના વારાણસી પહોંચવાના સમાચાર સાંભળી હસ્તિનાપુરના રાજા કર્ણદત્ત, ભામાના રાજા પુષ્પચૂલક, પ્રધાનામાત્ય ધનુ આદિ પોતપોતાની સેનાઓને લઈને વારાણસી ગયા. બધી સેનાઓને એકઠી કરીને બ્રહ્મદત્તે વરધનુને સેનાપતિ બનાવ્યો અને દીર્ઘ પર આક્રમણ કરવા માટે કામ્પિપુર તરફ પ્રસ્થાન કર્યું. જ્યારે દીર્થે આ સમાચાર જાણ્યા તો એણે વારાણસીનરેશને સંદેશો મોકલ્યો કે - “તેઓ એની સાથેની મિત્રતા તોડે નહિ', ત્યારે એમણે કહેવડાવ્યું કે - “આપણે પાંચેય મિત્રો નહિ, પણ સગા ભાઈઓ જેવા હતા. બ્રહ્મદત્તના પિતા બ્રહ્મનું રાજ્ય અને પરિવાર તને દેખરેખ માટે થાપણના રૂપમાં આપવામાં આવ્યું હતું. તે પોતાના ભાઈ સમાન દોસ્ત સાથે જે વિશ્વાસઘાત (દગો) કર્યો છે, તે અક્ષમ્ય અપરાધ છે. પોતાનું રાજ્ય પાછું મેળવવા માટે બ્રહ્મદત્ત જાતે આવ્યો છે, તારા માટે એ જ સારું રહેશે કે તું એને એનું રાજ્ય પાછું સોંપી દે.' .
દીર્ઘ પણ એની બધી તાકાત લગાવી બ્રહ્મદત્ત સાથે લડવા માટે રણમેદાનમાં આવી ગયો. બંને સેનાઓ વચ્ચે ભીષણ યુદ્ધ થયું. પહેલાં તો દીર્ઘનું પલ્લું ભારી પડ્યું, પણ જ્યારે બ્રહ્મદત્તે સ્વયં ભીષણ અસ્ત્રશસ્ત્રોથી પ્રહાર કરવાનું શરૂ કર્યું, તો દીર્ઘની સેના વામણી પડવા લાગી. બ્રહ્મદત્તે દીર્ઘના ઘણા ખરા યોદ્ધાઓને કળથી નીતિ-કુશળતાનો ઉપયોગ કરી પોતાની તરફ કરી લીધા. છેલ્લે દીર્ઘ અને બ્રહ્મદત્ત વચ્ચે યુદ્ધ થયું. લાંબા સમય સુધી આમ જ ચાલતું રહ્યું અને જ્યારે હાર-જીતનો કોઈ નિર્ણય ન થઈ શક્યો ત્યારે બંને યોદ્ધાઓ એક બીજા માટે અજેય રહ્યા. દીર્ઘ જેવો નરાધમ અને પાપાત્મા પણ આટલો પુરુષાર્થી અને પરાક્રમી હોઈ શકે છે - બંને તરફની સેનાઓ માટે એ એક આશ્ચર્ય બનેલું હતું.
બ્રહ્મદત્ત અને દીર્ઘ વચ્ચે શ્વયુદ્ધ ચાલી રહ્યું હતું અને બધા લોકો જડવત્ થઈને ઘાત-પ્રત્યાઘાતના વિચક્ષણ કૌશલ્યને જોઈ જ રહ્યા હતા કે આકાશમાંથી એક ગંભીર ગર્જના કરતું જાજ્વલ્યમાન, ઉલ્કાપત જેવું, લોકોને એની અવર્ણનીય ચમક વડે આંજી દેતું એક દિવ્ય ચક્રરત્ન પ્રગટ થયું અને એણે બ્રહ્મદત્તની ત્રણ વાર પ્રદક્ષિણા ફરીને એના જમણા ભાગમાં એક હાથની ઊંચાઈ પર અધ્ધર સ્થિર થઈ ગયું. બ્રહ્મદરે ૨૪૨ 99999999999999999) જૈન ધર્મનો મૌલિક ઇતિહાસ |
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |