Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 248

એ ચક્રને એના જમણા હાથની તર્જની પર ધારણ કરીને ઝડપથી ફેરવીને દીર્ઘ તરફ ફેંક્યું. પળવારમાં દીર્ઘનું શિર ધડથી અલગ થઈ પૃથ્વી પર ઢળી પડ્યું. અંતે ધર્મ અને સત્યની વિજયથી આનંદિત સેનાઓનો જયઘોષ બધી દિશાઓમાં ગાજી ઊઠ્યો. ભવ્ય સમારોહથી બ્રહ્મદત્તે કામ્પિત્યપુરમાં પ્રવેશ કર્યો. એની માતા ચુલની મોડેમોડે પણ આખરે, પોતાના અનુચિત પતિતકાર્યથી લજ્જિત થઈ ધર્મમાર્ગમાં પ્રવ્રજિત થઈ બ્રહ્મદત્તના નગરપ્રવેશ પહેલાં જ અન્યત્ર ક્યાંક જતી રહી. શુભ અને યોગ્ય પ્રસંગથી પાંચાલની જનતાએ ઘણા આનંદ-ઉલ્લાસથી બ્રહ્મદત્તનો રાજ્યાભિષેક કર્યો. આ કામ્પિત્યપુરના રાજસિંહાસન પર આરૂઢ થતાં જ એણે એની નવે-નવ પત્નીઓને એમના પિતગૃહેથી પોતાના રાજમહેલમાં બોલાવી લીધી અને પ૬ વર્ષો સુધી માંડલિક રાજાના રૂપમાં રાજ-કાજ સંભાળ્યું અને પછી પોતાની સમસ્ત ચતુરંગિણી સેનાની સામૂહિક શક્તિ સાથે ભારતના છ ખંડો પર વિજય મેળવા માટે પ્રસ્થાન કર્યું. સોળ વર્ષ સુધી અનેક યુદ્ધો અને ભયંકર સંઘર્ષ કર્યા પછી આખરે પોતાની વિજયપતાકા ફરકાવી જ દીધી, અને પછી કામ્પિલ્યપુર ફર્યો અને ચૌદ રત્નો, નવ નિધિઓ અને ચક્રવર્તી સમ્રાટની બધી સમૃદ્ધિઓનો સ્વામી બન્યો.
એક દિવસની વાત છે, ત્યારે રાજા એના અંતઃપુરમાં બધી રાણીઓ અને આત્મીયજનો સાથે અનેક પ્રકારનાં મનોરંજનોમાં રમમાણ હતો, ત્યારે એક દાસીએ ઘણો જ મોટો અને ચિત્તાકર્ષક ફલોનો ગુલદસ્તો લાવીને એમની સામે મૂકી દીધો. એ ગુલદસ્તામાં જાત-ભાતનાં રંગીન ફૂલોથી હંસ, મોર, સારસ, મૃગ (હરણ) વગેરે પશુ-પક્ષીઓની મનોરમ સજીવ જેવી લાગતી આકૃતિઓ બનેલી હતી. એ કલાત્મક પુષ્પ-સ્તવકને બ્રહ્મદત્ત ઘણી જ મુગ્ધતાથી અને તન્મયતાથી જોઈ રહ્યો હતો કે એના માનસપટ પર એવો વિચાર સ્ફર્યો કે - “આવી કલાપૂર્ણ પુષ્પ-કૃતિ એણે પહેલા પણ ક્યાંક જોઈ છે.” એકાગ્ર ચિંતન, વિવાદ અને જ્ઞાનાવરણ કર્મના ક્ષયઉપશમથી બ્રહ્મદત્તને જાતિસ્મરણ જ્ઞાન થયું અને એને પોતાના પૂર્વના પાંચ જન્મ યથાવત્ દેખાવા લાગ્યા, અને તે જ ક્ષણે બ્રહ્મદત્ત બેભાન થઈ ઢળી પડ્યો.
આમ એના બેભાન થઈ જવાથી ત્યાં હાજર બધાં જ લોકો ચિંતાથી વ્યાકુળ થવા લાગ્યા. યોગ્ય ઉપચાર વડે ઘણી વાર પછી એમને ભાન જૈન ધર્મનો મૌલિક ઇતિહાસ 9633362363396969696969696969 ૨૪૩]