Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 246

બંને મિત્રો એક દિવસ વસંત મહોત્સવ જોવા માટે ગયા. આખું રાજગૃહ નગર સરસ રંગબેરંગી પરિધાનો અને જાત-જાતનાં બહુમૂલ્ય આભૂષણોથી શણગારાયેલ મહોત્સવને જોવા માટે ઊમટી પડ્યું હતું. એ જ સમયે હાથીખાનામાંથી એક હાથી એની સાંકળ તોડીને મદોન્મત્ત થઈ મેળામાં આવી ચિત્કાર પાડવા લાગ્યો. લોકોમાં નાશભાગ થવા લાગી, કેટલાયે શાનભાન ગુમાવી બેઠા, નાનાં બાળકો અને યુવતીઓની ચીસાચીસથી આખું વાતાવરણ ભયંકર બન્યું. એ ગાંડો થયેલો હાથી એક યુવતી તરફ આગળ ધસ્યો અને એને સૂંઢમાં ઊંચકી લીધી. લોકો આ જોઈ થડકારો ચૂકી ગયા. ત્યારે બ્રહ્મદત્ત વીજળીવેગે ઊછળીને એ હાથીની સામે છાતી કાઢીને ઊભો રહી ગયો અને કર્કશ અવાજે એને પડકાર્યો. હાથીએ યુવતીને છોડીને પોતાની સૂંઢ અને પૂંછડી વડે ડોલતો-ડોલતો બ્રહ્મદત્ત પર ઝાપટ્યો. બ્રહ્મદત્ત હાથી સાથે કરવામાં આવતા યુદ્ધની કળાનો જાણકાર હતો, માટે આખરે એણે હાથીને પોતાને આધીન કરી લીધો અને એને હાથીખાનામાં લઈ જઈ થાંભલા સાથે બાંધી દીધો.
આ ઘટના સાંભળીને મગધનરેશ પણ એ સ્થળે પહોંચી ગયા અને સૂર્ય જેવી કાંતિવાળા તેજસ્વી અને ઇન્દ્ર જેવા શક્તિમાન મનમોહક યુવકને જોઈ ચકિત રહી ગયા. નગરના શ્રેષ્ઠી ધનાવહે કુમારનો પરિચય કરાવ્યો તો એમને અપાર આનંદ થયો. એમણે એમની પુત્રી પુષ્પમતીના એની સાથે લગ્ન ઘણી ધામ-ધૂમથી કરાવ્યાં. બ્રહ્મદત્તે જે યુવતીના પ્રાણ હાથીથી બચાવ્યા હતા, તે રાજગૃહના વૈશ્રવણ નામના શ્રેષ્ઠીની પુત્રી શ્રીમતી હતી. વૈશ્રવણે ઘણા રંગેચંગે શ્રીમતીનાં લગ્ન બ્રહ્મદત્ત સાથે કરાવ્યાં. આ તરફ મગધનરેશના મંત્રી સુબુદ્ધિએ વરધનુને એમનો જમાઈ બનાવ્યો અને પોતાની પુત્રી નંદા એને સોંપી દીધી. આ રીતે બંને મિત્રો આરામથી રાજગૃહમાં રહેવા લાગ્યા. બ્રહ્મદત્તની વીરતા અને સુંદરતાની ગાથાઓ થોડા જ સમયમાં ભારતના ઘરે-ઘરમાં ગવાવા લાગી. આમ રાજગૃહમાં રહી બધી જ રીતના નામ અને યશ મેળવીને બ્રહ્મદત્તે વરધન સાથે વારાણસી તરફ પ્રયાણ કર્યું, જેથી પાંચાલ રાજ્યને દીર્ઘના હાથોમાંથી ફરી પ્રાપ્ત કરવા માટે જરૂરી તૈયારી કરી શકાય.
વારાણસીનરેશે બ્રહ્મદત્ત જે એમના પરમ પ્રિય મિત્ર બ્રહ્મનો પુત્ર હતો, તેના આગમનના સમાચાર જાણી હેતથી પુલકિત થઈ જાતે જ એના સ્વાગત માટે આવ્યા અને ઘણા સન્માનપૂર્વક પોતાની સાથે રાજજૈન ધર્મનો મૌલિક ઇતિહાસ 23003630333333333333 ૨૪૧]