________________
વિભિન્ન મુશ્કેલીઓને વેઠતા રહીને કેટલાય દિવસોના નિરંતર પરિશ્રમ અને સંઘર્ષ પછી બંને ભાઈઓ કૌશાંબી વનમાં પહોંચ્યા. ત્યાં તૃષાતુર થયેલા કૃષ્ણ બળરામ પાસે પાણી મંગાવ્યું. બળરામ પાણી શોધવા જતા રહ્યા તો કૃષ્ણ એક ઝાડના છાંયડામાં થાક ખાવા બેઠા. તેઓ પીતાંબર ઓઢી ડાબા ઘૂંટણ ઉપર જમણો પર રાખી આડા પડેલા હતા. એ જ સમયે શિકારની શોધમાં જરાકુમાર એ તરફથી નીકળ્યો. પીતાંબર ઓઢેલા કૃષ્ણને હરણ સમજી એના પર બાણ ચલાવ્યું. જે એમના જમણા પગમાં લાગ્યું. કૃષ્ણ ચીસ પાડી ઊઠ્યા: “કોણ છે, ઊંઘતી વખતે મારા ઉપર ઘાત કરનારું? સામે આવે.”
કૃષ્ણનો અવાજ ઓળખી જરાકુમાર સામે આવ્યો - “ભાઈ ! હું તમારો કમનસીબ ભાઈ જરાકુમાર છું. તમને બચાવવા માટે હું વનોમાં ભટકતો રહ્યો અને આજે છેલ્લે તમારા પ્રાણનો ઘાતક બન્યો.”
કૃષ્ણ એને દ્વારિકાદહનની આખી વાત કહી અને કૌસ્તુભમણિ આપીને કહ્યું કે - “આને બતાવીને તું પાંડવોની સાથે રહેજે. હવે મારો શોક કર્યા વગર અહીંથી જતો રહે, નહિ તો બળરામ પાણી લઈને આવતા જ હશે અને તને જીવતો નહિ છોડે.” જરાકુમારના જતાં જ શ્રીકૃષ્ણના પ્રાણ નીકળી ગયા.
થોડા વખત પછી બળરામ જ્યારે પાણી લઈને આવ્યા, તો એમણે કૃષ્ણને સૂતેલા જોયા. એમને અચરજ થયું કે - “કૃષ્ણને તરસ લાગેલી હતી, છતાં પણ ઊંઘ કેવી રીતે આવી ગઈ !” પગમાં લાગેલા ઘા તરફ નજર જતા જ ગુસ્સાભર્યા સ્વરે બૂમ પાડી ઊઠ્યા : “કોણ છે જેણે મારા ભાઈને આ રીતે ઊંઘમાં ઝબ્બી કર્યા છે, સામે આવે તો એને આ કપટના બદલામાં સારો એવો સ્વાદ ચખાડું.”
આટલું બોલી બળરામ આજુબાજુમાં એ ઘાતકની શોધ કરવા લાગ્યા. જ્યારે કોઈ મળ્યું નહિ તો કૃષ્ણને ઉઠાડવાનો પ્રયત્ન કર્યો અને તે ન ઊઠતાં એમના શરીરને ખભા પર ઊંચકીને લથડાતા-પડતા આગળ વધ્યા. વચ્ચે-વચ્ચે રોકાઈને કૃષ્ણને જગાડવાનો પ્રયત્ન કરતા, જાણે તે સૂઈ રહ્યા હોય.
આ રીતે બળરામ કૃષ્ણનું નિઃપ્રાણ શરીર ખભા પર ઊંચકી વનમાં ભટકતા રહ્યા. બળરામની આ હાલત એમના સારથી સિદ્ધાર્થના જીવે ૨૨૨ 9636969696969696969696969696969 જેન ધર્મનો મૌલિક ઇતિહાસ
