________________
કપિલ અમરકંકા નગરીમાં પહોંચ્યા. એમણે પદ્મનાભની પ્રતાડના કરી એમને નિર્વાસિત કર્યા અને એના પુત્રને અમરકંકાનો નરેશ બનાવ્યો.
આ તરફ લવણસમુદ્ર પાર કરી કૃષ્ણ પાંડવોને કહ્યું : “હું સુસ્થિત દેવને ધન્યવાદ કહીને આવું છું, ત્યાં સુધીમાં તમે લોકો ગંગાની પેલે પાર જાઓ.”
પાંડવો હોડીમાં બેસી ગંગા ઓળંગી અને એ જોવા ઊભા રહ્યા કે કૃષ્ણ હોડી વગર કેવી રીતે ગંગા ઓળંગે છે, માટે હોડીને ત્યાં જ ઊભી રાખી. સુસ્થિત દેવ પાસેથી વિદાય લઈ કૃષ્ણ ગંગાકિનારે આવ્યા તો એમને હોડી ન દેખાઈ. ત્યારે એમણે રથને ગંગામાં ઉતાર્યો અને એક જ હાથથી ઘોડા સહિત રથને પકડીને બીજા હાથ વડે તરતા-તરતા ગંગા પાર કરવા લાગ્યા. ગંગાની મધ્યમાં આવતા તેઓ થાકી ગયા અને વિચારવા લાગ્યા - પાંડવો ઘણા બળવાન છે કે વગર હોડીએ એમણે નદી ઓળંગી લીધી.” કૃષ્ણના મનમાં આ વિચાર જાગ્યો જ હતો કે ગંગાનું વહેણ ધીમું થઈ ગયું અને એમ સરળતાથી એમણે ગંગા ઓળંગી લીધી. કિનારે આવી એમણે પાંડવોને પૂછ્યું: “તમે લોકો કેવી રીતે ગંગા ઓળંગી શક્યા?” તેઓ બોલ્યા: “હોડી વડે.”
તો કૃષ્ણ કહ્યું : “તો પછી તમે લોકોએ મારા માટે હોડી શા માટે પાછી ન મોકલી ?”
પાંડવોએ હસતાં-હસતાં કહ્યું: “તમારી તાકાતની કસોટી કરવા માટે.”
આવા જવાબથી કૃષ્ણ અત્યંત ક્રોધમાં આવીને બોલ્યા કે - “હજી પણ મારા બળની પરીક્ષા કરવી બાકી છે ? અગાથ-અપાર સાગરને પાર કરીને અમરકંકા ઉપર વિજય મેળવ્યા છતાં પણ તમને મારા બળ વિશે ખબર ન પડી?” એમણે લોખંડના દંડ વડે પાંડવોના રથનો ભુક્કો બોલાવી પોતાના રાજ્યમાંથી જતા રહેવાનો આદેશ આપ્યો, અને પોતે દ્વારિકા જતા રહ્યા.
પાંડવો દ્રૌપદી સાથે હસ્તિનાપુર આવ્યા. એમણે માતા કુંતીને આખી બીના જણાવી. એ સાંભળી કુંતી દ્વારિકા ગઈ અને કૃષ્ણને કહ્યું : કૃષ્ણ ! તમે મારા પુત્રોને તમારા રાજ્યમાંથી કાઢી મૂક્યા છે, તો હવે તમે જ કહો કે તેઓ ક્યાં રહેશે ?” [ ૨૧૮ 09909969696969696969696969 જેન ધર્મનો મૌલિક ઇતિહાસ
