Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 210

( અરિષ્ટનેમિ દ્વારા રહસ્યોદ્ઘાટન ) ધર્મતીર્થ સ્થાપી.અસંખ્ય લોકોને સાચા માર્ગે વાળી ભ. અરિષ્ટનેમિ અનેક જગ્યાઓએ ભ્રમણ કરતા-કરતા ભદિલપુર નગરમાં પધાર્યા. ત્યાં એમની દેશના સાંભળી અનીકસેન, અજિતસેન વગેરે છ ભાઈઓએ વૈરાગ્ય ધારણ કરી એમનાં ચરણોમાં દીક્ષિત થયા. તે બધા ભાઈ-મુનિઓ છટ્ટ-છ ભક્તની અવિરત તપસ્યા કરતા રહીને વિચરણ કરવા લાગ્યા.
ભદિલપુરથી વિહાર કરી ભ. અરિષ્ટનેમિ અનેક શ્રમણોની સાથે દ્વારિકાપુરી પહોંચ્યા. અનીકસેન આદિ છએ છ મુનિ અહંન્ત અરિષ્ટનેમિની આજ્ઞા મેળવી બેલે (છઠ્ઠ) તપના પારણા માટે બબ્બેના સમૂહમાં, ભિક્ષા માટે દ્વારિકાપુરી તરફ રવાના થયા. એ મુનિઓનું પ્રથમ જોડું વિભિન્ન કુળોમાં મધુકરી કરતા-કરતા દેવકીના મહેલમાં પહોંચ્યું, દેવકીએ મુનિઓને જોતાં જ ભક્તિપૂર્વક વંદન કર્યા અને સ્નેહપૂર્વક વિશુદ્ધ કલપતા આહારની ભિક્ષા આપી. ભિક્ષા લઈ મુનિ પરત ફર્યા. થોડા સમય પછી દેવકીએ મુનિ-યુગલના બીજા જોડાને પોતાના મહેલમાં ભિક્ષા માટે આવતા જોયા. એ બંને મુનિ પણ પહેલાંના મુનિઓ જેવા જ દેખાતા હતા. એમણે પણ ભિક્ષા-યાચના કરી, તે બંનેનો અવાજ પણ પહેલાંના મુનિઓ જેવો જ હતો. દેવકીએ વિચાર્યું - શક્ય છે કે પહેલાં જે ભિક્ષા આપવામાં આવી હોય, એ એમના માટે પર્યાપ્ત નહિ હશે, માટે પાછા આવ્યા છે.” એણે ઘણા આદર અને આનંદથી મુનિઓને ફરી પ્રતિલાભ આપ્યો. એ બંને પણ ભિક્ષા લઈ જતા રહ્યા.
એ બંનેના જવા પછી, મુનિઓનું ત્રીજું જોડું પણ નાનાં-મોટાં કુળોમાં ગોચરી કરતું-કરતું સંજોગવશાત્ દેવકીને ત્યાં આવ્યું. આ યુગલ પણ પહેલાંનાં બે યુગલો જેવું જ હતું. દેવકીએ પૂર્ણ શ્રદ્ધા, સન્માન અને ભક્તિથી ત્રીજા મુનિ-યુગલને પણ વિશુદ્ધ ભાવે ભિક્ષા આપી. ભિક્ષા આપ્યા પછી દેવકીએ એના મનમાં ઊઠેલા કુતૂહલના ભાવના સમાધાન માટે એમને પૂછ્યું : “ભગવન્! ઓછા ભાગ્યશાળી લોકો માટે તમારા જેવા ત્યાગી મુનિઓનું દર્શન દુર્લભ છે. મારું અહોભાગ્ય છે કે તમે તમારા પાવન “ચરણ-કમળ વડે આ આંગણાને પાવન કર્યું,' મારી શંકા એ છે કે દ્વારિકામાં હજારો સંતસેવી, ગુણાનુરાગી કુળોને છોડીને તમે મારે ત્યાં ત્રણ વખત કેવી રીતે આવ્યા?” જૈન ધર્મનો મૌલિક ઇતિહાસ 999999999999999ી ૨૦૫