Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 196

દૂતના જતા રહ્યા પછી મહારાજ સમુદ્રવિજયે એમના દશે દશ ભાઈઓ તથા ભોજરાજ ઉગ્રસેન અને બળરામ, કૃષ્ણ વગેરેની સાથે જરાસંધનો પ્રતિકાર કરવાની રણનીતિ પર વિચાર-વિમર્શ કર્યો. ભોજરાજનું કહેવું હતું કે - “જરાસંધની સાથે માત્ર એક જ નીતિનો ઉપયોગ કરી શકાય છે, અને તે છે - દંડનીતિ.” પણ દંડનીતિ ત્યારે જ કારગત અને શ્રેયસ્કર સિદ્ધ થશે જ્યારે આપણે રણનીતિના અત્યંત મહત્ત્વપૂર્ણ સિદ્ધાંતનું હંમેશાં ધ્યાન રાખીશું. યુદ્ધમાં રમમાણ પ્રત્યેક વ્યક્તિ અંતિમ પળ સુધી પ્રાણ-પણથી લડતો રહેશે અને એક ક્ષણ માટે પણ વિરમે નહિ.” બધા લોકોએ ભોજરાજની વાતનું સમર્થન કર્યું અને સમુદ્રવિજય તરફ અપેક્ષાથી જોતા એમણે કહ્યું : “અભિમાની જરાસંધના ગર્વનું ખંડન કરવા માટે આપણે દંડનીતિ અપનાવી જોઈએ, પણ એ પણ આપણા દુર્ગ(કિલ્લા)માં બેસીને નહિ, પરંતુ પોતાની સેનાની સાથે આગળ જઈ સીમા ઉપર જઈ એની સાથે યુદ્ધ કરવું જોઈએ. એનાથી આપણું પૌરુષત્વ પ્રગટે છે અને રાજ્યનો ઘણો મોટો ભાગ આપણા હાથમાં સુરક્ષિત રહે છે. એનાથી શત્રુ વિચલિત અને પ્રભાવિત થાય છે તેમજ પોતાની સેના અને પ્રજા બંનેનું મનોબળ વધે છે.”
સમુદ્રવિજયની સલાહ સાંભળી યાદવોની સેનાએ પ્રસ્થાન કર્યું અને થોડા જ દિવસોમાં દ્વારિકાથી ૪૫ યોજન અથવા ૧૮૦ કોસ (૩૬૦ માઇલ) દૂર સરસ્વતી નદીના તટે સ્થિત સિનીપલ્લી ગામની પાસે યુદ્ધ માટે જરૂરી સમતળ ભૂમિ પર પડાવ નાંખ્યો, જેનાથી ૪ યોજન દૂર જરાસંધની સેના પડાવ નાખી ચૂકેલી હતી.
યાદવોની સેનાએ જે સમયે સિનીપલ્લીમાં પડાવ નાખ્યો, એ સમયે કેટલાક વિદ્યાધર-પતિ પોતાની સેનાઓ સાથે મહારાજ સમુદ્રવિજયની પાસે આવ્યા અને બોલ્યા : “મહારાજ ! તમારી પાસે તો અરિષ્ટનેમિ, કૃષ્ણ, બળદેવ, પ્રદ્યુમ્ન, શામ્બ વગેરે એકથી એક ચઢિયાતા મહાપુરુષ યોદ્ધા છે તથા અમે લોકો પણ તમારી સેવામાં ઉપસ્થિત છીએ, અમને યથાશક્તિ સેવા અને સહાયતાનો અવસર આપવામાં આવે. અમે ઇચ્છીશું કે વસુદેવને અમારા સેનાપતિ બનાવવામાં આવે અને શામ્બ તેમજ પ્રધુમ્નને એમની સહાયતા - મદદ માટે રાખવામાં આવે. અનેક શક્તિશાળી વિદ્યાધર રાજા મગધરાજ જરાસંધના મિત્ર છે ને એમની સહાયતા માટે
જૈન ધર્મનો મૌલિક ઇતિહાસ
૧૯૧