________________
વસુના આઠ પુત્રોમાંથી છ પુત્ર ક્રમશઃ એક પછી એક સિંહાસન પર બેઠા, પણ સિંહાસન પર બેસવાની સાથે જ કોઈક દૈવીશક્તિ વડે મૃત્યુ પામ્યા. એનાથી ભયભીત થઈ શેષ બે પુત્રો સુવસુ અને પિહદ્ધય શુક્તિમતી નગરીમાંથી પલાયન કરી ગયા. સુવસુ મથુરામાં વસ્યા ને પિહદ્ધયનો ઉત્તરાધિકારી સુબાહુ થયો. સુબાહુ પછી ક્રમશઃ દીર્ઘબાહુ, વજબાહુ, અર્ધ્વબાહુ, ભાનુ અને સુભાન થયા. સુભાનુ પછી એમના પુત્ર યદુ હરિવંશના મહાપ્રતાપી રાજા થયા. યદુના વંશમાં સૌરી અને વીર નામના બે પરાક્રમી રાજા થયા. મહારાજ સૌરીએ સૌરિપુર અને વીરે સૌવીર નગર સ્થાપ્યાં.
( ભ. નેમિનાથનું પિતૃકુળ ) હરિવંશીય મહારાજ સૌરિના અંધકવૃષ્ણિ અને ભોગવૃષ્ણિ નામના બે પરાક્રમી પુત્ર થયા. અંધકવૃષ્ણિના દસ પુત્ર હતા, જે દશાહ નામથી પ્રસિદ્ધ થયા. એમાંના સૌથી મોટા સમુદ્રવિજય અને સૌથી નાના વસુદેવ વિશિષ્ટ પ્રતિભાસંપન્ન અને પ્રભાવશાળી હતા. સમુદ્રવિજય ઘણા જ ઉદાર, ન્યાયપ્રિય અને પ્રજાવત્સલ રાજા થયા. સમુદ્રવિજયે જ પોતાના નાના ભાઈ વસુદેવનું લાલન-પાલન કર્યું. સમય જતા વસુદેવ પણ એમનાં પરાક્રમ અને શૌર્ય માટે પ્રખ્યાત - નામચીન થયા.
(વસુદેવનો પૂર્વભવ) વસુદેવ એમના પૂર્વજન્મમાં નંદિષેણ નામના બ્રાહ્મણ હતા. માતાપિતા સ્વર્ગે સિધાવતાં કુટુંબીઓએ એમને ઘરમાંથી જાકારો આપ્યો. ઘર ત્યાગ બાદ એમનો ઉછેર એક માળીએ કર્યો. માળીએ એની ત્રણ પુત્રીઓ માંથી કોઈ પણ એકની સાથે લગ્ન કરાવી આપવાનું આશ્વાસન એને આપ્યું. પણ એ પુત્રીઓમાંથી કોઈએ પણ એની સાથે લગ્ન કરવાની તૈયારી ન બતાવતા એને ઘણું દુઃખ થયું, જેના પરિણામસ્વરૂપ એણે જંગલમાં જઈ આપઘાતનો પ્રયત્ન કર્યો. પણ કોઈક મુનિની એના પર નજર પડતા, એને આ કાર્ય કરતા અટકાવ્યો. મુનિનો બોધપૂર્ણ ઉપદેશ સાંભળી એણે મુનિ પાસે દીક્ષા લીધી ને તપ-સંયમ તેમજ સાધના કરવા લાગ્યો. પોતાના તિરસ્કૃત-જીવનને ઉપયોગી બનાવવા માટે એણે પ્રતિજ્ઞા કરી કે - “કોઈ પણ રોગગ્રસ્ત સાધુની સૂચના મળતાં જ પહેલાં એની [ ૧૮૦ 3339999999999999તું જેન ધર્મનો મૌલિક ઇતિહાસ ]
