________________
કેવળી મુનિએ થોડીવાર સુધી મૌન ધારણ કર્યા પછી કહ્યું: “તમારા બંનેનો સાત જન્મોનો સંગાથ છે, જેમાં કેટલીયે વાર તમે બંને પતિપત્નીના રૂપે સાથે રહ્યાં છો. પૂર્વજન્મના સુદીર્ઘ સંબંધના લીધે જ તમારા બંનેમાં આટલો પ્રગાઢ પ્રેમ છે. હવે પછી દેવનો જન્મ પૂરો કરી આગલા જન્મમાં તું બાવીસમો તીર્થંકર નેમિનાથ બનીશ.”
પૂર્વજન્મની આ વાત સાંભળી મહારાજ શંખના મનમાં વૈરાગ્ય જાગ્યો અને એમણે રાજ્યધુરા પુત્રને સોંપી પ્રવજ્યા ધારણ કરી. પ્રવજ્યા લઈ તપ-સંયમની સાથે અહંતુ, સિદ્ધ અને સાધુની ભક્તિમાં ઉત્કૃષ્ટ અભિરુચિ અને ઉત્કટ ભાવનાની સાથે હંમેશાં તત્પર રહેવાના લીધે એમણે તીર્થકર નામકર્મ ઉપજાવ્યું તથા સમાધિભાવથી જીવન પૂર્ણ કરી અપરાજિત વિમાનમાં અહમિન્દ્ર રૂપે અનુત્તર વૈમાનિક દેવ બન્યા.
(જન્મ અને નામકરણ) મહારાજ શંખનો જીવ અપરાજિત વિમાનમાંથી દેવાયું પૂર્ણ કરી કારતક કૃષ્ણ દ્વાદશી(બારસ)ના ચિત્રા નક્ષત્રમાં મહારાજ સમુદ્રવિજયની ધર્મશીલા રાણી શિવાદેવીના ગર્ભમાં ઉત્પન્ન થયા. એમણે ચૌદ મહાસ્વપ્ન જોયાં ને ઘણી હર્ષાવિત થઈ. ગર્ભાવસ્થા પૂર્ણ થતા શ્રાવણ શુક્લ પંચમીના દિવસે ચિત્રા નક્ષત્રમાં પુત્રને જન્મ આપ્યો. દેવતાઓએ જન્મોત્સવ ઉજવ્યો.
મહારાજ સમુદ્રવિજયે છૂટે હાથે દાન આપી લોકોને સંતોષ આપ્યો. અરિષ્ટનેમિ ઘણા જ સુંદર હતા. શ્યામવર્ણ શરીર ઉપર ૧૦૦૮ શુભ લક્ષણ, શરીર વજ જેવું દઢ અને મુખારવિંદ ઘણું જ મનોહર હતું. બારમા દિવસે નામકરણ કરતા મહારાજે કહ્યું કે - “ગર્ભાવસ્થા દરમિયાન આપણે બધા દરેક પ્રકારનાં અરિષ્ટોથી સુરક્ષિત રહ્યા અને માતાએ અરિષ્ટ રત્નમય ચક્ર-નેમિનાં દર્શન કર્યા, માટે બાળકનું નામ અરિષ્ટનેમિ ઘણું જ યોગ્ય છે. અરિષ્ટનેમિનાં પિતા મહારાજા સમુદ્રવિજય હરિવંશીય પ્રતાપી રાજા હતા, માટે એમના વંશ-પરિચયમાં હરિવંશના ઉદ્ભવનો પરિચય આવશ્યકતા પ્રમાણે નીચે આપવામાં આવે છે.
(હરિવંશની ઉત્પત્તિ ) દસમા તીર્થકર ભગવાન શીતલનાથના શાસનકાળમાં વત્સદેશની કૌશાંબી નગરીમાં સુમૂહ નામનો એક રાજા હતો. એણે વીરક નામની એક ( ૧૦૨ 9636999999996969696969696ી જેન ધર્મનો મૌલિક ઇતિહાસ
