________________
ચક્રવર્તી જયસેના એકવીસમા તીર્થકર ભગવાન શ્રી નમિનાથના પરિનિર્વાણ પછી એમના જ ધર્મતીર્થ કાળમાં ભરત ક્ષેત્રના અગિયારમા ચક્રવર્તી સમ્રાટ જયસેન થયા.
જયસેનનો જન્મ મગધ રાજ્યની રાજગૃહી નગરીમાં થયો. એમનાં માતા-પિતા અનુક્રમે રાજા વિજય અને રાણી વપ્રા હતાં. રાણીએ એક રાતે ચૌદ મહાસ્વપ્ન જોયાં. સ્વપ્નપંડિતોએ જણાવ્યું કે - “આ સ્વપ્નોની ગણતરી સર્વશ્રેષ્ઠ સ્વપ્નોમાં કરવામાં આવે છે અને એને જોવાવાળી મહિલા ચક્રવર્તી પુત્રની માતા બને છે.”
સ્વપ્નફળ સાંભળી રાજા-રાણી તથા પરિવાર અને પુરજનો ઘણાં આનંદિત થયાં. સમય આવતા રાણીએ એક તેજસ્વી અને નયનાભિરામ પુત્રને જન્મ આપ્યો, જેનું નામ જયસેન રાખવામાં આવ્યું. રાજારાણીએ એમના પુત્ર માટે ઉચ્ચતમ ઉછેર અને કેળવણીની વ્યવસ્થા કરી અને સમય આવતા યોગ્ય કન્યાઓ સાથે એમનાં લગ્ન કરાવ્યાં. ૩૦૦ વર્ષની ઉંમર થતા મહારાજ વિજયે કુમાર જયસેનને સિંહાસન પર બેસાડી સ્વયં પ્રવ્રજિત થઈ ગયા.
૩૦૦ વર્ષ સુધી માંડલિક રાજા રૂપે રાજય કર્યા પછી રાજા જયસેનની આયુધશાળા - શસ્ત્રાગારમાં ચક્રરત્ન ઉત્પન્ન થયું. એમણે એમનું છ ખંડો પર વિજય મેળવવાનું અભિયાન આરંભ કરી ૧૦૦ વર્ષોમાં સંપૂર્ણ ભરત ક્ષેત્ર પોતાના અધિકારમાં લઈ લીધું. ચક્રવર્તી સમ્રાટના રૂપે પ્રતિષ્ઠિત થઈ નવ નિધિઓ અને ચૌદ રત્નોના સ્વામી થયા. ૧૯૦૦ વર્ષો સુધી એકધારું ચક્રવર્તી શાસન કરીને પછી ઐહિક વૈભવનો ત્યાગ કરી દીક્ષા ધારણ કરી ૪૦૦ વર્ષ સુધી સંયમમય મુનિજીવન પસાર કર્યું અને તપ વડે બધાં કર્મોનો નાશ કરી ૩ હજાર વર્ષનો જીવનકાળ સમાપ્ત કરી મોક્ષગમન કર્યું.
ક
૧૦૦
9696969696969696969696969696969
જેન ધર્મનો મૌલિક ઇતિહાસ
