________________
પ્રત્યે એનું વૈમનસ્ય (વેર) દેખાડવા માટે જ તો એણે આ બધું ષડયંત્ર રચ્યું હતું. તે ક્રોધથી વ્યાકુળ થઈ આચાર્ય સુવ્રત પાસે ગયો અને બોલ્યો : “તમે બધા સાધુઓ સાત દિવસની અંદર મારા રાજ્યની હદ બહાર જતા રહો, ત્યાર બાદ કોઈ પણ શ્રમણ રાજ્યમાં દેખાયો તો મૃત્યુદંડનો ભાગી થશે.”
શ્રમણ સંઘને આ ઘોર સંકટમાંથી બચાવવા માટે આર્ય સુવતે એમના શિષ્ય અને મહાન લબ્ધિધારી મુનિ વિષ્ણુકુમારને બોલાવ્યા. એમણે નમુચિને સમજાવવાનો પ્રયાસ કર્યો, પણ નમુચિ એની જીદને વળગી રહ્યો. અંતે એમણે નમુચિને કહ્યું : “કંઈ વાંધો નહિ, ઓછામાં ઓછી ત્રણ ચરણ(પગલાં) ભૂમિ તો મને આપી દે.”
નમુચિ તૈયાર થઈ ગયો અને બોલ્યો: “ઠીક છે, એ ત્રણ ચરણ ભૂમિની બહાર જે પણ શ્રમણ-સાધુ રહેશે, એને મારી નાખવામાં આવશે.” પછી શું હતું, વિષ્ણુકુમારે વૈક્રિયલબ્ધિના સહારે પોતાનું શરીર વધારવાનું શરૂ કર્યું. જોત-જોતામાં અસીમ આકાશ એમના શરીરથી ઢંકાઈ ગયું. મુનિ વિષ્ણુકુમારનું આ રૂ૫ જોઈ નમુચિ ભયભીત થઈ જમીન પર પડી ગયો. મુનિ વિષ્ણુકુમારે પોતાનો એક પગ સમુદ્રના પૂર્વ તટે રાખ્યો અને બીજો પગ સાગરના પશ્ચિમ તટે. પછી પ્રલયકારી, મેઘગર્જના કરી બોલ્યા : “હવે બોલ નમુચિ ! હું મારું ત્રીજું પગલું ક્યાં મૂકું ?” નમુચિ અવાક રહી ગયો. તે પીપળના પાનની જેમ થરથર ધ્રૂજવા લાગ્યો. ચક્રવર્તી મહાપા અંતઃપુરથી બહાર આવી, ઘટના સ્થળે પહોંચીને એમણે વિષ્ણુકુમારને ઓળખી એમને નમન કરી ઉપેક્ષાજન્ય અપરાધ માટે ક્ષમાપ્રાર્થના કરી. મુનિ વિષ્ણુકુમાર શાંત થયા. એમણે એમનું વિરાટ સ્વરૂપ સંકોચ્યું. નમુચિ તરફ ક્ષમા-દષ્ટિ કરી. શ્રમણ સંઘની રક્ષા માટે કરેલા આ લબ્ધિ-પ્રયોગનું પ્રાયશ્ચિત્ત કરી પાછા પોતાની સાધનામાં મગ્ન થઈ ગયા. તપ-સંયમની સાધનાથી એમણે એમના આઠેય કર્મોનો મૂળથી નાશ કરી શાશ્વત સુખધામ મોક્ષને પામ્યા. ચક્રવર્તી મહાપદ્મએ ૨૦ હજાર વર્ષના જીવનકાળમાં શ્રમણધર્મની દીક્ષા સ્વીકારી અને ૧૦ હજાર વર્ષ સુધી વિશુદ્ધ સંયમનું આચરણ કરી તપ દ્વારા આઠેય કર્મોનો લોપ કરી મોક્ષના અધિકારી થયા. ૧% 96969696969696969696969696969) જૈન ધર્મનો મૌલિક ઇતિહાસ
