Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 170

કરી પોતાના દુર્ગ(કિલ્લા)માં જતો રહેતો. યુવરાજ સિંહને પકડવા માટે પોતાની સેના મોકલી, પણ નિષ્ફળતા હાથ આવી. અંતે મહાપદ્મએ નમુચિને આદેશ આપ્યો કે - “તે સિહરથને કેદી બનાવી લાવે.’ નમુચિએ વિશાળ સેના વડે સિહરથના કિલ્લાને ચારેય તરફથી ઘેરી લઈ આવાગમન(અવરજવર)ના બધા જ રસ્તા બંધ કરી દીધા. નમુચિએ કારસ્તાન કરી સિંહરથના કેટલાક દુર્ગરક્ષકોને લાલચ આપી ફોડી લીધા અને એક દિવસે ગુપ્તમાર્ગથી સિંહરથના દુર્ગમાં સેના સાથે જઈને એને બંદી બનાવી લીધો. નમુચિના આ સફળ અભિયાનથી મહાપ ઘણા પ્રભાવિત થયા ને એને એની ઇચ્છાનુસાર કંઈક માંગવા કહ્યું! નમુચિએ મહાપદ્મના આ અનુગ્રહ માટે આભાર વ્યક્ત કરી કહ્યું કે - “મહારાજ, તમે આ વચનને તમારી પાસે મારી થાપણ સમજી રાખી મૂકો, હું યોગ્ય સમયે અને જરૂરિયાત ઊભી થતા તમારી પાસે માંગી લઈશ.” યુવરાજે નમુચિની પ્રાર્થના માન્ય રાખી. કાલાન્તરમાં મહાપદ્યની આયુધશાળામાં દિવ્ય ચક્રરત્ન પ્રગટ્યું ને એમણે છ ખંડો પર આધિપત્ય સ્થાપી, નવ નિધિઓ અને ચૌદ રત્નોના સ્વામી બન્યા અને ચક્રવર્તી સમ્રાટના પદે શોભાયમાન થયા. જ્યારે તેઓ ભરતખંડના ચક્રવર્તી સમ્રાટના રૂપે હસ્તિનાપુરના સિંહાસન પર બેઠા, ત્યારે એક વાર આચાર્ય સુવ્રત એમના શિષ્યવૃંદની સાથે ત્યાં આવ્યા અને ત્યાંની શ્રદ્ધાળુ જનતાની પ્રાર્થના સાંભળી ચતુર્માસ માટે નગરની બહાર એક ઉદ્યાનમાં રહેવા લાગ્યા. નમુચિએ પોતાના અપમાનનું વેર વાળવાનો યથોચિત સમય જાણી મહાપદ્યને એમના વચન યાદ કરાવ્યા અને કહ્યું કે - “હું મારી પરલૌકિક સિદ્ધિ માટે એક મહાન યજ્ઞ કરવા માંગુ છું, જેની વ્યવસ્થિત રીતે પૂર્ણાહુતિ માટે તમે મને યજ્ઞની પૂર્ણાહુતિ થાય ત્યાં સુધી તમારા સામ્રાજ્યનો સ્વામી બનાવો અને મારી આજ્ઞા એ સમયે બધા માટે માન્ય અને અનુલ્લંઘનીય રહે.” સમ્રાટ મહાપદ્મએ નમુચિની વાત માની લીધી. | નાના-મોટા બધા અધિકારી, ગણમાન્ય નાગરિક, ધર્માધ્યક્ષ વગેરેએ નમુચિની પાસે જઈ એને સાધુવાદ આપ્યો અને યજ્ઞની પૂર્ણાહુતિ માટે શુભકામનાઓ આપી. સાંસારિક પ્રપંચ વ્યવહારોથી દૂર રહેવું, શ્રમણધર્મ અને શ્રમણાચારની આ મર્યાદાને ધ્યાનમાં રાખી આચાર્ય સુવ્રત નમુચિની પાસે ન ગયા. એનાથી તે ઘણો નારાજ થયો. સુવ્રતાચાર્ય અને શ્રમણવર્ણ જૈન ધર્મનો મૌલિક ઇતિહાસ 9696963333333333333 ૧૫]