Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 164

ઉપરોક્ત વાર્તાલાપ સાંભળી જન્મદગ્નિ વિચારવા લાગ્યા. એમણે વિચાર્યું - બંને પક્ષી બરાબર જ તો કહી રહ્યા છે. પુત્ર વગર તપસ્યા કરી મુક્તિ પ્રાપ્ત કરવાની આશા કરવી મૃગજળની પાછળ ભાગવા જેવું છે. અતઃ હું તપસ્યા છોડી પહેલા કોઈ કુળવાન સુંદરી સાથે વિવાહ કરી પુત્ર મેળવવાનો પ્રયત્ન કરીશ.” મનમાં આ વિચાર આવતાં જ બીજા દિવસે ઋષિ જમદગ્નિ એમના દંડ-કમંડળ લઈ મિથિલા તરફ ચાલી નીકળ્યા. મિથિલા પહોંચીને એમણે રાજાને કહ્યું : “હું વિવાહ કરવા માંગુ છું, તમારી ૧૦૦ કન્યાઓમાંથી કોઈ એક રાજકન્યા મને આપી દો.”
આદેશ ન માનતા તપસ્વી કોઈ અનિષ્ટ ન કરી દે, એવું વિચારી રાજા બોલ્યા: “ભગવન્! તમે તમારી ઈચ્છાનુસાર મારી કોઈ પણ રાજકન્યાને પસંદ કરી શકો છો.” જમદગ્નિએ રાજાની રેણુકા નામની કન્યાને પસંદ કરી, અને વિવાહ કરી રેણુકાને લઈને તપોવનમાં પાછા ફર્યા.
રેણુકાની એક બહેનનું નામ તારા હતું. તારાના વિવાહ હસ્તિનાપુરનાં કૌરવવંશીય નરેશ કાર્તવીર્ય સહસ્ત્રાર્જુન સાથે થયું હતું. સમય જતા રેણુકાએ એક પુત્રને જન્મ આપ્યો. જમદગ્નિએ એમના એ પુત્રને પોતાનું પરશુ આપી અને એનું નામ પરશુરામ રાખ્યું. એક વખત રેણુકા એની બહેન તારાને ત્યાં ગઈ. હસ્તિનાપુરના રાજમહેલમાં તારાએ રાજસી વૈભવની સાથે એનું આતિથ્ય કર્યું. રાજમહેલના સુખભોગોથી આકર્ષાઈને રેણુકા કાર્તવીર્ય પર મોહિત થઈ ગઈ અને એની સાથે કામ-ભોગોમાં મશગૂલ રહેવા લાગી. જમદગ્નિને જ્યારે આ વાતની જાણ થઈ, તો તે રેણુકાને પોતાના આશ્રમમાં લઈ આવ્યાં. એમણે રેણુકાના ચારિત્ર્યશૈથિલ્યની વાત પુત્ર પરશુરામને કરી, તો પુત્રએ પરશુથી એની માતાનું મસ્તક કાપી નાખ્યું. રેણુકાની હત્યાના સમાચાર સાંભળી કાર્તવીર્ય જમદગ્નિના આશ્રમમાં પહોંચ્યા. ત્યાં રેણુકાના હત્યારા પરશુરામને ન જોતા તપસ્વી જમદગ્નિની જ હત્યા કરી નાંખી. કાર્તવીર્ય દ્વારા પોતાના પિતાની હત્યાના સમાચાર જાણી પરશુરામની ક્રોધની સીમા ન રહી. એણે હસ્તિનાપુર જઈ કાર્તવીર્યને મારી નાંખ્યો અને ક્ષત્રિયોના નાશનો સંકલ્પ લઈ લીધો. પરશુરામે પૃથ્વીને નક્ષત્રિય કરવા માટે ફરી-ફરીને સાત વખત ક્ષત્રિયોનો સામૂહિક સંહાર કર્યો.
કાર્તવીર્યના વધના સમયે તેની રાણી તારા ગર્ભવતી હતી. એણે એનો જીવ બચાવવા માટે વેશ બદલી હસ્તિનાપુરના મહેલને છોડીને એક તપસ્વીના આશ્રમમાં ભૂગર્ભમાં રહેવા લાગી. સમય જતા તેણે એક પુત્રને જન્મ આપ્યો. જેના મોઢામાં જન્મથી જ દાંત અને દાઢો હતી. માતાના જૈન ધર્મનો મૌલિક ઇતિહાસ 96969696969696969f36999999 ૫૯]