Page Text
________________
ચિત્ર મહારાજ અદનશત્રુને ભેટસ્વરૂપ આપ્યું. ચિત્ર જોઈને ને મલ્લીના સૌંદર્યના વખાણ સાંભળી મહારાજ મંત્રમુગ્ધ બન્યા. એમણે એમના એક કુશળ દૂતને બોલાવી મિથિલા જવા આદેશ કર્યો અને કહ્યું કે - “તે વિદેહનરેશ કુંભની કન્યાને પોતાની પટરાણી બનાવવા માટે વ્યગ્ર છે અને પોતાનું સંપૂર્ણ રાજ્ય પણ આપવા તૈયાર છે.”
(૬) મહારાજ મહાબળના પૂર્વજન્મના છઠ્ઠા સાથી વૈશ્રમણનો જીવ જયંત વિમાનથી દેવાયુ પૂર્ણ થતા પાંચાલ જનપદની રાજધાની કામ્પિત્યપુર નગરીમાં જિતશત્રુ નામક પાંચાલાધિપતિ થયો. નગરમાં રાજાનો ભવ્ય રાજમહેલ હતો, જેમાં ખૂબ જ મોટું ને સુરમ્ય અંતઃપુર હતું. અંતઃપુરમાં મહારાણી ધારિણી સાથે જિતશત્રુની બીજી એક હજાર રાણીઓ હતી, જે બધી જ અનિદ્ય સુંદરીઓ હતી. મહારાજ કુંભના શાસનકાળમાં જ મિથિલામાં ચોખા નામની એક પરિવ્રાજિકા હતી. ચોખા પરિવ્રાજિકા ઘણી જ શાસ્ત્રજ્ઞ અને પારંગત વિદૂષી હતી. તે મિથિલામાં અલગ-અલગ સ્થળોએ શૌચમૂલકધર્મ, દાનધર્મ અને તીર્થાભિષેક વગેરેનું વ્યાખ્યા સહિત ઉપદેશબોધ અને આચરણથી એમનું પ્રદર્શન પણ કરતી હતી. એક સમયે તે અનેક પરિવ્રાજિકાઓ સાથે મિથિલાના રાજભવનમાં ગઈ. ત્યાં તેમણે ભગવતી મલ્લીના અંતઃપુરમાં શૌચધર્મ અને દાનધર્મનું મહત્ત્વ સમજાવતા એનું નિરૂપણ કર્યું. એમનું નિરૂપણ સાંભળ્યા પછી મલ્લીકુમારીએ પૂછ્યું કે - “ધર્મનો મૂળ કોને માનવામાં આવ્યો છે?” ચોખાએ કહ્યું કે
ધર્મને શૌચમૂલક માનવામાં આવ્યું છે, અર્થાત્ ધર્મને માટે શુચિતા અને પવિત્રતા પરમ આવશ્યક છે, એટલા માટે જ્યારે કોઈ વસ્તુ અશુદ્ધ - અપવિત્ર થઈ જાય છે, તો આપણે એને માટી-પાણી વડે ધોઈને પવિત્ર કરીએ છીએ, એ જ પ્રમાણે જળ-સ્નાનથી શરીરની સાથે આત્માને પણ પવિત્ર બનાવી લેવામાં આવે છે.” એના પર મલ્લીએ કહ્યું: “આ તો જાણે એવું છે કે જેમ કોઈ લોહીવાળા વસ્ત્રને લોહી વડે જ ધોઈને સાફ કરવાનો પ્રયાસ કરવામાં આવે; એનાથી તો એ વધુ ગંદુ, લોહીયુક્ત અને રક્તવર્ણ થશે. અસત્ય, હિંસા, મૈથુન, પરિગ્રહ, મિથ્યાપ્રદર્શન વગેરે કર્મોથી આત્મા કર્મ-મળમાં લપેટાયેલ હોય છે. આત્મા પર લાગેલો એ કર્મનો મેલ જળસ્નાન કે યજ્ઞાદિ કાર્યોથી ક્યારેય દૂર કરી શકાતો નથી, કારણ કે આ બધાં કાર્યો હિંસાત્મક અને પાપાચાર છે. જે પ્રમાણે રક્તરંજિત વસ્ત્રને સ્વચ્છ, [૧૫૦ 9999999696969696969696969છે જેન ધર્મનો મલિક ઇતિહાસ
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |