Page Text
________________
સુનાર આ કામ કરી શક્યો નહિ, જેથી ક્રોધિત થઈ રોષે ભરાઈ મહારાજ કુંભે બધા સ્વર્ણકારોને પોતાના રાજ્યમાંથી નિર્વાસિત કર્યા. નિકાસિત થતા તે બધા સ્વર્ણકાર કાશીનરેશ પાસે પહોંચ્યા અને ત્યાં વસવાટ કરી કામ કરવાની અનુમતિ માંગી, કાશીનરેશે જ્યારે સ્વર્ણકારોને નિર્વાસિત કરવાનું કારણ પૂછ્યું તો એમણે કુંડળવાળી ઘટના કહી અને કુંડળની સાથે રાજકુંવરી મલ્લીના રૂપ-લાવણ્યની પણ ચર્ચા કરતા કહ્યું કે - “મહારાજ, દેવી મલ્લીની સુંદરતામાં જે અલૌકિક કાંતિ છે, તે માનવકન્યામાં તો શું, દેવકન્યામાં પણ મળવી દુર્લભ છે.” સુનારોના મુખે મલ્લીની સુંદરતાનું વર્ણન સાંભળી રાજા એના પર મુગ્ધ બન્યા. એમણે તત્કાળ પોતાના દૂત સાથે વિવાહનો પ્રસ્તાવ મિથિલા રવાના કર્યો, સાથે એવું પણ કહેવડાવ્યું કે - “એના બદલે કાશીનરેશ પોતાનું વિશાળ રાજ્ય પણ એમને આપવા માટે તૈયાર છે.”
(૫) ભગવતી મલ્લીના દેહલાલિત્યની નામના ઊડતી-ઊડતી કુરુ સુધી પહોંચી ગઈ. મહારાજ મહાબળના પૂર્વભવના પાંચમા મિત્ર વસુનો જીવ જયંત વિમાનમાંથી સુદીર્ઘ વય પૂર્ણ થતા કુરુ જનપદની રાજધાની હસ્તિનાપુરમાં અદીનશત્રુ નામનો કુરુરાજ થયો. રાજકુંવરી મલ્લીના નાના ભાઈનું નામ મલ્લદિન્ન કુમાર હતું. એ ચિત્રકલાનો શોખીન હતો. એક વખત એણે એના પ્રમોદવનમાં ચિત્રકલાનું એક પ્રદર્શન રાખ્યું. રાજકુમાર મલ્લદિન્ન પોતે પણ પ્રદર્શન જોવા ગયો. ત્યાં તે પોતાની મોટી બહેન મલ્લીને જોઈ અચરજ પામ્યો અને શરમાઈ ગયો. સંકોચથી તે પોતાની બહેનની પાછળની તરફ ખસવાનો પ્રયત્ન કરવા લાગ્યો, તો એમની દાઈમાએ કહ્યું કે - “રાજકુમાર જેને જોઈ રહ્યા છે તે એમની સશરીરી બહેન નથી, પણ એમનું સજીવ લાગતું ચિત્ર છે.” આ સાંભળી રાજકુમારને ગુસ્સો આવ્યો અને એણે એ ચિત્રકાર માટે પ્રાણદંડની આજ્ઞા આપી. જ્યારે એને ખબર પડી કે - “ચિત્રકારે દેવી મલ્લીને નહિ, પરંતુ કોઈ એકાદ વખત એમના પગના અંગૂઠાને જોઈને એના આધારે જ પોતાની કલ્પનાથી રાજકુમારીનું પૂર્ણ ચિત્ર બનાવ્યું હતું. તો ચિત્રકારની અદ્દભુત ચિત્રકલાથી પ્રભાવિત ગણમાન્ય દર્શકો અને અન્ય મહાન ચિત્રકારોના અનુરોધ અને આગ્રહથી રાજકુમારે ચિત્રકારના અંગૂઠા છેદાવીને ત્યાંથી નિર્વાસિત કરવાનો આદેશ આપી દીધો. ચિત્રકાર ત્યાંથી નિર્વાસિત થઈ હસ્તિનાપુર પહોંચ્યો. હસ્તિનાપુરમાં એણે દેવી મલ્લીનું | જન ધર્મનો મૌલિક ઇતિહાસ 99999999999999999 ૧૪૯ |
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |