Page Text
________________
સામે જ પોતાની રાજકુમારી મલ્લીને બોલાવીને પહેરાવી દીધાં. રાજકુમારી મલ્લીના તોલે તો માનવકન્યા શું દેવકન્યા પણ ન આવી શકે.” મહારાજે અરહન્નક અને તેના બાકીના મિત્રોનો આદર-સત્કાર કરી વિદાય કર્યા અને પોતાના બધાથી કુશળ-દક્ષ દૂતને બોલાવીને આજ્ઞા આપી કે - “તું મિથિલાનરેશ કુંભ પાસે જઈ એમને આગ્રહ કર કે તેઓ એમની કન્યાનું સગપણ મારી સાથે કરી દે અને એમના આ ઉપકાર માટે હું મારું સંપૂર્ણ રાજ્ય એમને સોંપી શકું છું.” મહારાજ ચંદ્રબાગની આજ્ઞા શિરોધાર્ય કરી દૂત તત્કાળ મિથિલા જવા રવાના થયો.
(૩) મહારાજ મહાબળના પૂર્વભવના ત્રીજા મિત્ર પૂરણનો આત્મા જયંત વિમાન પરથી દેવાયુ પૂર્ણ કરી કુણાલા જનપદની રાજધાની કુણાલા નગરમાં રૂખી નામક કુણાલાધિપતિ થયો. જેનું શાસન શ્રાવસ્તી નગરીમાં હતું. એમની મહારાણી ધારિણીએ એક અત્યંત સ્વરૂપવાન કન્યાને જન્મ આપ્યો, જેનું નામ સુબાહુ રાખવામાં આવ્યું. એક વખત મહારાજે રૂખીએ પોતાની કન્યા માટે મજ્જન મહોત્સવનું આયોજન કર્યું. એ મહોત્સવહેતુ એક વિશિષ્ટ પ્રકારની નગરી અને મંડપનું નિર્માણ કરવામાં આવ્યાં. મંડપમાં સ્વર્ણ અને રજતના કુંભોથી રાજકુમારીને સ્નાન કરાવવામાં આવ્યું અને જ્યારે એ વસ્ત્રાભૂષણોથી અલંકૃત થઈ પિતા પાસે આશીર્વાદ લેવા આવી તો રાજા રૂપી રાજકુમારીનું અપ્રતિમ સૌંદર્ય જોઈ ચકિત રહી ગયો. એમણે વર્ષધર પુરુષોને બોલાવીને પૂછ્યું : “શું તમારામાંથી કોઈએ સુબાહુ જેવી સુંદર કન્યા જોઈ છે?” એક વર્ષધર પુરુષે જવાબ આપ્યો : “મહારાજ, એક સમયે અમે મિથિલાનરેશની કન્યા મલ્લી માટે આયોજિત આવા જ અવસરે ઉપસ્થિત હતા. એની સમકક્ષ-તોલે તમારી કન્યા સુબાહુનું સૌંદર્ય લાખમાં ભાગનું પણ નથી.” આ સાંભળી કુણાલાધિપતિનો ગર્વ ઠંડો થઈ ગયો અને તે મલ્લીકુમારીને મેળવવા માટે લલચાયો. એણે એના દૂત મિથિલાનરેશની પાસે મોકલ્યો અને સંદેશો આપ્યો કે - “તેઓ એમની કન્યાનાં લગ્ન શ્રાવસ્તીનરેશ સાથે કરી દે.'
(૪) રાજકુમારી મલ્લીના અલૌકિક - અદ્ભુત સૌંદર્યની ખ્યાતિ કાશીનરેશની પાસે પણ પહોંચી. કાશીનરેશનું નામ શંખ હતું, અને તે એમના, ગતજન્મમાં મહારાજ મહાબળના મિત્ર અભિચંદ હતા. કોઈ એક વખતે અરહજ્ઞક દ્વારા અપાયેલાં કુંડળમાંથી એક કુંડળની જોડ તૂટી જતાં મિથિલાનરેશે એમના સુનારો પાસે સંધાવવા માટે આપ્યા. પણ કોઈ [ ૧૪૮ 96969696969696969696969696969696) જૈન ધર્મનો મૌલિક ઇતિહાસ
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |