________________
રહી ગયા. સનકુમારે એમને કહ્યું: “હમણાં શું જોઈ રહ્યા છો, સ્નાન પછી જ્યારે વસ્ત્રાલંકારોથી સુસજ્જ થઈ રાજ્યસભામાં બેસીશ, ત્યારે જોજો.” બ્રાહ્મણોએ એવું જ કર્યું, પણ ત્યાં સુધીમાં સનત્કુમારના રૂપમાં પરિવર્તન આવી ગયું હતું, અને બ્રાહ્મણ મનોમન ખેદ અનુભવવા લાગ્યા. રાજાએ એમના આ હાવભાવનું કારણ પૂછ્યું, તો તેઓ બોલ્યા : “મહારાજ, તમારા સુંદર શરીરમાં તો કીડા પડ્યા છે.”
શરીરની ક્ષણભંગુરતા અને નશ્વરતાને જોઈ સનત્કુમાર તત્કાળ વિતરાગી બની ગયા અને સંપૂર્ણ વૈભવ-પરિગ્રહ ત્યજી મુનિ બની ગયા. દીક્ષિત થઈ તેઓ અવિરત બેલે-બેલેનું તપ કરવા લાગ્યા. જેના ફળસ્વરૂપ એમને અનેક લબ્ધિઓ પ્રાપ્ત થઈ. એક વખત ફરી સ્વર્ગમાં એમના વખાણ થવા લાગ્યા તો એક દેવ એમની ધીરજની પરીક્ષા લેવા આવ્યા. દેવવૈદ્યનું રૂપ લઈ એ મુનિ પાસે ગયા. મુનિએ કહ્યું: “વૈદ્ય ! જો ભવરોગની દવા કરી શકો તો ઠીક છે, નહિ તો દ્રવ્યરોગની દવા તો હું પણ કરી શકું છું.” ' એવું કહી મુનિએ લોહી નીતરતી આંગળીને થૂક લગાડતા તે તત્કાળ કંચન (સુવર્ણ) સમાન ચમકવા લાગી. દેવ ક્ષોભ અનુભવી ક્ષમા યાચના કરી અને પોતાના સ્થાને પરત ફર્યા. આ રીતે મહામુનિ સનત્કુમાર ૧ લાખ વર્ષ સુધી સંયમનું પાલન કરી જીવનના સંધ્યાકાળે આરાધના કરી સિદ્ધ, બુદ્ધ, મુક્ત થઈ ગયા.
[ જેન ધર્મનો મૌલિક ઇતિહાસ 99999999999999999 ૧૩૩]
