________________
'ભગવાળ શ્રી વિમલનાથ બારમા તીર્થંકર ભગવાન વાસુપૂજ્ય પછી ભગવાન વિમલનાથ તેરમા તીર્થકર થયા. એમની જન્મભૂમિ કમ્પિલપુર હતી. વિમલ યશધારી, મહારાજ કૃતવર્મા એમના પિતા અને મહારાણી શ્યામા એમની માતા હતાં.
પોતાના ગતજન્મમાં ભ. શ્રી વિમલનાથ ધાતકીખંડની મહાપુરી નગરીના રાજા પાસેન હતા. મુનિ સર્વગુપ્તનો ઉપદેશ સાંભળી તેઓ વિરક્ત થયા. દીક્ષા લઈ નિર્મળભાવથી સંયમનું પાલન કરીને વીસ સ્થાનોની આરાધના કરી તીર્થકર નામકર્મનું ઉપાર્જન કર્યું. અંતે સમાધિપૂર્વક જીવનકાળ સમાપ્ત કરી આઠમા સહસ્ત્રારકલ્પમાં ઋદ્ધિમાન દેવરૂપે ઉત્પન્ન થયા. દેવલોકથી ચ્યવન કરી પદ્મસેનનો જીવ વૈશાખ શુક્લ દ્વાદશી (બારશ)ના ઉત્તરાભાદ્રપદ નક્ષત્રમાં કમ્પિલપુરની મહારાણી શ્યામાના ગર્ભરૂપે પ્રસ્થાપિત થયો. માતાએ એ જ રાત્રે ૧૪ મહાસ્વપ્ન જોયાં અને સુખરૂપ ગર્ભકાળ સમાપ્ત થતા મહા શુક્લ તૃતીયાએ ઉત્તરાભાદ્રપદમાં ચંદ્રયોગ થતા પુત્રરત્નને જન્મ આપ્યો. બાળકના ગર્ભમાં રહેવાના સમયે માતા તન-મનથી નિર્મળ બની રહી, માટે બાળકનું નામ વિમલનાથ રાખ્યું.
વિમલનાથ જ્યારે યુવાન થયા તો માતા-પિતાના આગ્રહથી યોગ્ય કન્યાઓ સાથે પાણિગ્રહણ કર્યું. ૧૫ લાખ વર્ષ કુંવરપદમાં વિતાવી રાજ્યભાર સંભાળ્યો. ૩૦ લાખ વર્ષ સુધી ન્યાય-નીતિપૂર્ણ રાજ્યનું સંચાલન કર્યું. ૪૫ લાખ વર્ષનું આયુષ્ય પૂર્ણ થતાં એમણે આહતી દીક્ષા લેવાની ઇચ્છા વ્યક્ત કરી.
લોકાંતિક દેવો દ્વારા પ્રાર્થિત પ્રભુએ વર્ષીદાન આપ્યા પછી મહા શુક્લ ચતુર્થીએ ઉત્તરાભાદ્રપદ નક્ષત્રમાં એક હજાર રાજાઓની સાથે સહસ્ત્રાપ્રવનમાં ષષ્ઠભકત તપસ્યા કરી બધાં પાપકર્મોનો લોપ કરી શ્રમણદીક્ષા સ્વીકારી લીધી. બીજા દિવસે ધાન્યકટપુરના મહારાજ જયને ત્યાં પરમાત્રથી પારણું કર્યું. ત્યાંથી વિહાર કરી પ્રભુ બે વર્ષ સુધી વિભિન્ન પરિસ્થિતિઓને સમભાવે સહન કરતા વિચરણ કરતા રહ્યા. પછી ૧૨૪ 29290699999999932633 જેન ધર્મનો મૌલિક ઇતિહાસ ]
