________________
દિક્ષાસ્થળે પહોંચી ક્ષપકશ્રેણીમાં આરૂઢ થઈ ચાર ઘાતકર્મોનો ક્ષય કરી પોષ શુક્લ ષષ્ઠીએ ઉત્તરાભાદ્રપદ નક્ષત્રમાં બેલેની તપસ્યાથી એમણે કેવળજ્ઞાન મેળવ્યું.
કેવળજ્ઞાન પ્રાપ્ત કર્યા પછી પ્રભુ વિહાર કરતા-કરતા વારિકા (દ્વારકા) પહોંચ્યા. ત્યાં સમવસરણમાં તત્કાલીન વાસુદેવ સ્વયંભૂ પણ હાજર થયા. એમણે ત્યાં સમ્યકત્વ-ધર્મ સ્વીકારી લીધો, તથા હજારો નર-નારીઓએ પ્રભુની દેશના સાંભળી ચારિત્ર-ધર્મ સ્વીકાર્યો. પ્રભુએ ચતુર્વિધ સંઘની સ્થાપના કરી અને ભાવ-તીર્થકરપદ સાર્થક કર્યું.
એમના સંઘમાં મંદર આદિ પ૬ ગણ અને ગણધર, ૫૫૦૦ કેવળી, ૫૫00 મનઃ પર્યવજ્ઞાની, ૪૮૦૦ અવધિજ્ઞાની, ૧૧૦૦ ચૌદપૂર્વધારી, ૯000 વૈક્રિયલબ્ધિધારી, ૩૨૦૦ વાદી, ૬૮૦૦૦ સાધુ, ૧૦૦૮૦૦ સાધ્વીઓ, ૨૦૮૦૦૦ શ્રાવક અને ૪૨૪૦૦૦ શ્રાવિકાઓ હતાં.
ભગવાન વિમલનાથના સમયમાં આ કાળના ત્રીજા પ્રતિવાસુદેવ મેરક, વાસુદેવ સ્વયંભૂ અને બળદેવ ભદ્ર થયા. એમના ધર્મશાસનમાં સાધારણ જનતાથી લઈ લોકનાયકો ઉપર પણ જિનધર્મનો સંપૂર્ણ પ્રભાવ હતો. વાસુદેવ સ્વયંભૂના અવસાન બાદ ભદ્રએ મુનિધર્મ સ્વીકારી ૬૫ લાખ વર્ષનો જીવનકાળ ભોગવી અંતિમ સમયની આરાધનાથી મુક્તિ મેળવી.
ભગવાન વિમલનાથે ૧૫ લાખ વર્ષમાં ૨ વર્ષ ઓછા સમય સુધી કેવળીના રૂપમાં લોકોને સત્યમાર્ગનો ઉપદેશ આપ્યો. પોતાનો અંત સમય સમીપ જાણી છસો સાધુઓની સાથે ૧ મહિનાનું અનશન કર્યું અને અઘાતી કર્મોને નષ્ટ કરી અષાઢ કૃષ્ણ સપ્તમી(સાતમ)એ રેવતી નક્ષત્રમાં શુદ્ધ-બુદ્ધ અને મુક્ત થઈ નિર્વાણપદના અધિકારી બન્યા. એમનું સંપૂર્ણ આયુષ્ય ૬૦ લાખ વર્ષનું હતું.
| જૈન ધર્મનો મૌલિક ઇતિહાસ
9696969696969696969696969696969] ૧૨૫ |
