Pandav Charitram yane Jain Mahabharat

SR No.: 005571
Original Sutra Author: N/A
Author: Kalpyashsuri
Publisher: Jiravala Parshwanath 24 Tirthankar Trust
Publication Year: 2009
Total Pages: 438
Language: Gujarati
Classification: Book_Gujarati
File Size: 10 MB

Page 245

પાંડવ ચરિત્રમ્
૨૧ ૨.
સર્ગ - ૮ અર્જુનના વારંવાર સર્વ અંગને ભેટીને આ પ્રમાણે કહ્યું: “અહો ! જ્ઞાની નૈમિત્તિકે કહેલું સત્ય થયું. મારા સ્વામી ઈન્દ્ર વિદ્યાધર તારાથી શત્રવર્ગ ઉખેડી નખાતા સ્વસ્થ ચિત્તવાળા થયા.” આ પ્રમાણે જ્યાં કહે છે, તેટલામાં પરિવાર સાથે વિમાનમાં બેસીને સૈન્ય સહિત ઈન્દ્ર વિદ્યાધર આકાશમાર્ગે જ્યાં અર્જુન છે, ત્યાં આવ્યો.
રથમાં બેઠેલો અર્જુન ઇન્દ્રના સન્મુખ આવ્યો. પછી તે બેય પ્રીતિપૂર્વક મળેલા ઇન્દ્રને ઉપેન્દ્રની શોભાને પામતાં હતા. હવે ઇન્દ્ર વિમાનમાં પોતાના સિંહાસનના અર્ધભાગમાં અર્જુનને બેસાડી પ્રીતિપૂર્વક બોલ્યો : “હે પરોપકાર કર્મઠ ! હે પરોપકારક શિરોમણિ ! તેં મને રાજ્ય આપ્યું, હવે હું તારા ઉપર શું પ્રત્યુપકાર કરું. આ રાજ્ય અને આ પ્રાણોને ઇચ્છાપૂર્વક વાપરો (ઉપયોગ કરો.)” હવે રથનૂપુરના લોકોના ચક્ષુના આનંદને માટે વિમાનમાં બેસીને તું ત્યાં આવ. એ પ્રમાણે ઇન્દ્ર કહ્યું, ત્યારે અર્જુન બોલ્યો: “પહેલા તાલતાલવના ગામ સુવર્ણપુર જવું. ત્યાં પ્રસિદ્ધ સિદ્ધકૂટને જોવા માટેનું કુતૂહલ (ઇચ્છા) છે, તે નગરને જોઈને પછી રથનૂપુર નગરે આવીશ.”
વિદ્યાધર ઇન્દ્ર અર્જુનની સાથે સર્વ સૈન્યથી પરિવરેલા નિવાતકવચ આદિને મૃત જોઈને જ્યાં અર્જુનના બાણથી હણાયેલો વિદ્યુમ્માલી મૃત હતો, ત્યાં ઇન્દ્ર જઈને વિદ્યુમ્ભાલીને મૃત પડેલો જોઈને પોકાર કરતો રડવા લાગ્યો. હે બંધો ! તારી આ કેવી દુર્દશા? જે આ તારું શરીર મારા ઉત્સંગ (ખોળા)માં લાલન-પાલન કરાયેલું તે આજ શિયાળીયાઓ ખાય છે (ભેટે છે). મુખથી મુખ ચંમે છે, તીક્ષ્ણ નખોથી હૃદયને વિદારે છે, ચંદનની જેમ ધૂળનો લેપ થાય છે, તે શરીર આજ લોહીથી ખરડાયેલું કંકુ જેવું લાગે છે. હા ! હા ! સરલ સ્વભાવી આ મારો નાનો ભાઈ કુસંસર્ગથી મૃત્યુ પામ્યો. આ મારા ભાઈ વિદ્યુમ્ભાલીના મૃત્યુથી મને ઘણું દુઃખ થાય છે. વળી યુદ્ધમાં મરેલા નિવાતકવચ આદિ શત્રુઓની સ્ત્રીઓ રૂવે છે. તે આ પ્રમાણે હતાશા દર્શાવે છે.
કેટલીક વારંવાર વાળોને તોડે છે અને ખેંચે છે, કેટલીક પ્રતિક્ષણ છાતી કૂટે છે, કેટલીક રોતી હારને દૂર ફેંકે છે અને કેટલીક વસ્ત્રોને રફેદફે કરે છે.
એ પ્રમાણે શત્રુઓની નારીઓના વિલાપ સાંભળીને ઇન્દ્ર વિમાનમાં બેઠેલા અર્જુન સાથે સુવર્ણપુરની નજીકમાં રહેલા સિદ્ધકૂટમાં ચાલ્યો. ત્યાં જઈને વિમાનમાંથી ઉતરીને વાવડીમાં સ્નાન કરીને તેમાં રહેલા કમળો લઈને સિદ્ધફૂટે રહેલાં શાશ્વત જિન એવા ઋષભદેવ, ચંદ્રાનન, વારિણ, વર્ધમાન નામના જિનોને નમીને પુષ્પાદિ વડે અષ્ટપ્રકારે પૂજીને ઇન્દ્ર સાથે અર્જુન જિનેશ્વરને સ્તવવા માટે તૈયાર થઈ સ્તુતિ કરે છે.
અપાર રાજમાનથી શોભતા હે ઋષભ પ્રભો ! ત્રણે જગતના આધારભૂત ! હે ક્ષમાધર ! વિજયને પામો ! જય હો ચંદ્ર જેવા મુખવાળા ! સાધુના ગુણથી શોભતા ! મોતીયુક્ત છીપના