________________
પરિશિષ્ટ - ભાવતીર્થ - ગીતાર્થ ગુરુ.
૨૦૩
३ महानिशीथ सूत्र + से भयवं! केवतियं कालं जाव एस आणा पवेइया?' गोयमा! जाव णं महायसे महासत्ते महाणुभागे सिरिप्पभे अणगारे। 'से भयवं! केवतिएणं काले णं से सिरिप्पभे अणगारे भवेज्जा'? । गोयमा! होही दुरंत-पंत-लक्खणे अदट्ठव्वे रोद्दे चंडे पयंडे-उग्ग-पयंडे-दंडे निम्मेरे निक्किवे निग्घिणे नित्तिंसे कूरयर-पाव-मती अणारिए मिच्छदिट्ठी कक्की नाम रायाणे। से णं पावे पाहुडियं भमाडिउ-कामे सिरि-समण-संघं कयत्थेज्जा। जाव णं कयत्थे इ ताव णं गोयमा! जे केई तत्थ सीलड्डे महाणुभागे अचलिय-सत्ते तवो हणे अणगारे तेसिं च पाडिहेरियं कुज्जा सोहम्मे कुलिसपाणी एरावणगामी सुर-वरिंदे। एवं च गोयमा! देविंद-वंदिए दिट्ठ-पच्चए णं सिरि-समण-संघे। णिट्ठिज्जा णं कुणयपासंड-धम्मे जाव णं गोयमा! एगे अबिइज्जे अहिंसा-लक्खण-खंतादि-दस-विहे धम्मे, एगे अरहा देवाहिदेवे, एगे जिणालए, एगे वंदे, पूए, दक्खे सक्कारे सम्माणे महायसे महासत्ते महाणुभागे दढ-सील-व्वय-नियम-धारए तवोहणे साहू। तत्थ णं चंदमिव सोमलेसे, सूरिए इव तव-तेय-रासी, पुढवी इव परीसहोवसग्ग-सहे, मेरूमंदर-धरे इव निप्पकंपे ठिए अहिंसा-लक्खणखंतादि-दसविहे धम्मे। सेणं सुसमण-गण-परिवुडे निरब्भ-गयणामल-कोमुई-जोग-जुत्ते इव गह-रिक्ख-परियरिए गहवई चंदे अहिययरं विराएज्जा, गोयमा! से णं सिरिप्पभे अणगारे। ता गोयमा! एवइयं कालं जाव एसा आणा पवेइया। 'से भयवं! उड्डे' पुच्छा। गोयमा! तओ परेण उड्ढे हायमाणे काल-समए तत्थ णं जे केई छक्काय-समारंभ-विवज्जी से णं धण्णे पुण्णे वंदे पूए नमंसणिज्जे। सुजीवियं जीवियं तेसिं। छ।।
नवणीयसार नामनुं पांचमुं अध्ययन फकरो २० + से भयवं! सामण्णे पुच्छा, जाव णं वयासि। 'गोयमा! अत्थेगे जे णं जोगे अत्थगे जे णं णो जोगे। 'से भयवं! के णं अटेणं एवं वुच्चइ जहा णं अत्थेगे जे णं नो जोगे? गोयमा! अत्थेगे जेसिं णं सामण्णे पडिकुटे अत्थेगे जेसिं च णं सामण्णे नो पडिकुठे। एएणं अटेणं एवं वुच्चइ जहा णं अत्थेगे जे णं जोगे अत्थेगे जेणं नो जोगे। 'से भयवं! कयरे ते जेसिं णं सामण्णे पडिकुठे? कयरे वा ते जेसिं च णं णो परियाए पडिसेहिए? गोयमा! अत्थेगे जे णं विरुद्ध अत्थेगे जे णं नो विरुद्ध? जेणं से विरुद्धे से णं पडिसेहिए, जे णं णो विरुद्धे से णं नो पडिसेहिए। 'से भयवं! के णं से विरुद्ध के वा णं अविरुद्ध?' गोयमा! जे जेसुं देसेसुं दुगुंछणिज्जे, जे जेसुं देसेसुं दुगुंछिए, जे जेसुं देसेसुं पडिकुटे से णं तेसुं देसेसुं विरुद्धे । जे यणं जेसुंदेसेसुंणो दुगुंछणिज्जे, जे य णं जेसुं देसेसुंणो दुगुंछिए, जे य णं जेसुं देसेसुंणो पडिकुटे, से णं तेसुं देसेसुं नो विरुद्धे । तत्थ गोयमा! जे णं जेसुं जेसुं देसेसुं विरुद्ध से णं नो पव्वावए। जण जेसु जेसु देसेसुंणो विरुद्धे से णं पव्वावए। [२२] 'से भयवं! के कत्थ देसे विरुद्ध के वा णो विरुद्ध?' गोयमा! जे णं केई पुरिसे इ वा, इथिए इ वा रागेण वा, दोसेण वा, अणुसएण वा, कोहेण वा, लोभेण वा, अवराहेण वा, अणवराहेण वा, समणं वा, माहणं वा, मायरं वा, पियरं वा, भायरं वा, भइणिं वा, भाइणेयं; सुयं, वा सुयसुयं, वा धूयं, वा णत्तुयं, वा सुण्हं, वा जामाउयं, वा दाइयं, वा गोत्तियं, वा सजाइयं, वा विजाइयं, वा सयणं, वा असयणं, वा संबंधियं, वा असंबंधियं, वा सणाहं, वा असणाहं, वा इड्डिमंतं, वा अणिड्डिमंतं, वा सएसियं, वा विएसियं, वा आरियं, वा आणारियं, वाहणेज्ज, वा हणावेज्ज, वा उद्दवेज्ज, वा उद्दवावेज्ज,
Jain Education International
For Personal & Private Use Only
www.jainelibrary.org