________________
વિવિધ વિષય વિચારમાળા ભાગ-૮
મનુષ્યોએ પ્રત્યેક વર્ષે ગુરુમહારાજ પાસેથી પ્રાયશ્ચિત ગ્રહણ કરવું, કારણ કે તેમ કરવાથી આદર્શના પેઠે પોતાનો આત્મા નિર્મળ થાય છે.
રે જીવ ! તું સમ્યક્ત્વનું સેવન કર, કુસ્થિત મતનો ત્યાગકર
જિનેશ્વર મહારાજને દેવ માન, ઉત્તમ સાધુને ગુરુ ભક્તિથી માન્ય કર, મદનો ત્યાગ કર, અને કોઈપણ જીવોની નિંદા કરવી છોડી દે. સુશીલ, ગુણી, પવિત્ર અને અત્યંત ઉત્તમ આત્માના ધણી ગુણી જીવો ઉપર મત્સર દ્વેષ કરવો છોડી દે. કિં બહુના ? તું તારા આત્મામાં જ રમણ કર કે જેથી મોક્ષ સુખ તારાથી દૂર નહિ રહેતા જલ્દીથી તને પ્રાપ્ત થાય.
જે માણસના મન, વચન કાયાના યોગો નિર્મળ છે, તે માણસ સંસારસમુદ્રનો પારગામી થાય છે.
મનુષ્યોને બંધ અને મોક્ષનું કારણ મન છે. વિષયાદિકના આસંગીપણાથી બંધ થાય છે, અને વિષયલાલસાને ત્યાગ કરવાથી મોક્ષ મળે છે. જેનું મન શુદ્ધ હોતું નથી તેના દાન, પૂજા, તપ, જપ, તીર્થસેવા, શ્રુત વિગેરે વૃથા જાણવા. | સ્નેહયુક્ત સ્વજનસંબંધીને વિષે તથા અપકાર કરનાર શત્રુ વર્ગને વિષે, જયારે તન્મય ચિત્ત થશે ત્યારે તને પરમ સુખ મળશે. સારા શબ્દાદિકને વિષે, અગર ખરાબ વિષયગ્રામને વિષે જયારે એકાકાર ચિત્ત થશે ત્યારે જ તને પરમસુખની પ્રાપ્તિ થશે.
ગોશીષ ચંદનના લેપને વિષે, અને કુહાંડાના ઘાને વિષે જ્યારે ચિત્તની અભિન્ન વૃત્તિ થશે ત્યારે જ તને પરમ સુખ પ્રાપ્ત થશે.
અમૃતના પેઠે સુસ્વાદ યુક્ત, સૂર્યના પેઠે બોધ કરનાર, તત્ત્વ યુક્ત સજ્જન પુરુષોના વચનોનો વિસ્તાર હોય છે.
સત્ય, કરુણાયુક્ત તેમજ આકુળતા વિનાનું, ગૌરવ યુક્તઅને ગ્રહણ કરવા લાયક વચન, સજ્જન પુરુષોને માન્ય કરવા લાયક થઈ શકે છે.
હિત-મિત-પ્રિય-સ્નિગ્ધ-મધુર પરિણામી વચન અને ભોજન ભક્તિ, મુક્તિને માટે પ્રશંસા કરવા લાયક છે.
(૨૪૭)
૨૪૭
*
Jain Education International
For Personal & Private Use Only
www.jainelibrary.org
