________________
३५
શ્રી સિદ્ધચક દ્વત્રિશિક ]
सिरिजिणसासणगयणे, रवितुल्ले सारणाइउज्जुत्ते ॥ गच्छाहिवई समए, समणनियरसुत्तगत्थदए ॥ १५ ॥ छण्णवइत्तर बारस, सयगुणकलिए पणाइसयसहिए ॥ आयरिए सृद्धिदए, करुणड्ढे सइ पणिवयामि ॥ १६ ॥ समणाहारे धीरे. वरसमिगणमुत्तवायणादाई ॥ चउविहसंघहियत्थे, दवायरिए सुजुवराए ॥ १७ ॥ पणवीसगुणविहूसे, आयरियसहायगे सुसज्झाए ॥ उवएसद्धरणरए, पवरोज्झाए सरेमि सया
॥ १८ ॥ समिए गुत्त दंते, दसविहधम्मी पसत्थसम्मगए ॥ समयड्ढे निग्गंथे, भावियसुहभावणे कुसले ॥ १९ ॥ सगवीसगुणे विमए, पवयणजणणीपसाहणालीणे ॥ साहू चत्तविहावे, सहावनिरए नमामि सया - ॥ २० ॥ जिणपणत्तं सच्चं, सम्मत्तं सत्तपयडिभावतिगा ॥ जायं सुहपरिणाम, समाइलिंग जणियसड्ढे ॥ २१ ॥ एगविहाइयभेयं, नाणचरणफलपसाहगं गुणयं ॥ निव्वाणहम्मथंभे, भवपरिमिइकारगं वंदे ॥ २२ ॥ जो जिणतत्तपबोहो, तं नाणं बिति तारगा सच्चं ॥ किच्चाइविवेययरं, दंसणसरयाहमावगयं ॥ २३ ॥ विरहफलं कम्महरं, इगवण्णपभेय मूलपणभेयं ॥ नासियविसयकसायं, सम्मण्णाणं नममि सययं ॥ २४ ॥ सगदसभेय पभेयं, चियाहसंहारगं पसमसोहं ॥ निव्वाणपरमकरणं, विसयकसायाइपरिहीणं ॥ २५ ॥ तब्भवनिव्वुइनाणा, जं सेवंते जिणेसरावि मुया ॥ तं चारित्तं मावा, सेवमि सययं महामहिमं । ॥ २६ ॥ बारभेयतवं तं, नाणी जं तवइ तित्थनाहाऽवि. विलओ जेणं होज्जा, निकाइयाणंपि कम्माणं ॥ २७ ॥ वियडविपत्तिहरं जं, जिणसासणभावमंगलं परमं ॥ भूसियचारित्तगुणं, अहिवंदे तं तवं हरिसा ॥२८॥
Jain Education International
For Personal & Private Use Only
www.jainelibrary.org
